ཨ་རི་བྱང་ཁེ་ལི་ཕོར་ནི་ཡའི་ནང་གནས་བཞུགས་བོད་ཀྱི་ཟློས་གར་ཚོགས་པའི་ཚོགས་མི་ཟུར་པ་འབའ་བ་ཚེ་རིང་ལགས་དང་། །གཞས་མ་ཚེ་རིང་ཆོས་འཛོམས་ལགས་གཉིས་ཀྱིས་བཏང་བའི་སྟོད་མངའ་རིའི་གླུ་གཞས་ ཁ་རག་རི་ཞེས་པ་དེ་བྱེ་གཞོང་བློ་བཟང་ཚུལ་ཁྲིམས་ལགས་ཀྱིས་ཕྱོགས་སྒྲིག་ཞུས་པ་དེ་གསན་རོགས་གནང།

༄༅། །དེ་རིང་གིས་སོ་ཡ་ལའི་བོད་ཀྱི་གླུ་གར་རྒྱ་མཚོའི་ལས་རིམས་འདིའི་ནང་དེང་དུས་སྙན་སྒྲགས་ཆེ་བའི་གཞས་པ་གར་བསམ་གྲུབ་རྡོ་རྗེ་དང་བདེ་སྐྱིད་ཚེ་རིང་གཉིས་ཀྱི་བཏང་བའི་འབྲོག་ཕྲུག་ཞེས་པའི་གླུ་གཞས་བཏང་བ་ཞིག་བྱེ་གཞོང་བློ་བཟང་ཚུལ་ཁྲིམས་ཀྱིས་ཕྱོགས་བསྒྲིགས་ཞུས་པ་དེ་གཤམ་ལ་གསན་རོགས་གནང་།།

༄༅། །དེ་རིང་གིས་སོ་ཡ་ལའི་བོད་ཀྱི་གླུ་གར་རྒྱ་མཚོའི་ལས་རིམས་འདིའི་ནང་ འཕན་པོའི་གཞས་མ་བསྟན་འཛིན་དབང་མོ་ལགས་ཀྱིས་བཏང་བའི་འཕན་པོའི་དམངས་ཁྲོད་སྒོར་གཞས་གནས་བཟང་ཞེས་པ་བྱེ་གཞོང་བློ་བཟང་ཚུལ་ཁྲིམས་ཀྱིས་ཕྱོགས་བསྒྲིགས་ཞུས་པ་དེ་གཤམ་ལ་གསན་རོགས་གནང་།།

༄༅། །དེ་རིང་གི་ང་ཚོའི་སོ་ཡ་ལའི་བོད་ཀྱི་གླུ་གར་རྒྱ་མཚོའི་ལས་རིམས་འདིའི་ནང་བོད་ཀྱི་ཟློས་གར་ཚོགས་པའི་ལྷ་གཞུང་ནས་ཟུར་འདོན་ཞུས་ཏེ་བཏང་བའི་རྔོན་པའི་འདོན་དང་། །རྒྱ་ལུའི་རྣམ་ཐར་ཚིག་དང་བཅས་པ་ལས་དང་པོ་བ་ཚོའི་ཆེད་དུ་བྱེ་གཞོང་བློ་བཟང་ཚུལ་ཁྲིམས་ཀྱིས་ཕྱོགས་བསྒྲིགས་ཞུས་པ་དེ་གཤམ་ལ་གསན་རོགས་གནང་།།

༄༅། །ཁེ་ཎ་ཌར་གཏན་གཞི་བྱས་པའི་བོད་ཀྱི་ཟློས་གར་སྒྱུ་རྩལ་ཟུར་པ་གཞས་མ་གྲགས་ཅན་པ་སངས་ལྷ་མོ་ལགས་ཀྱི་བཏང་བའི་ཆང་གཞས་ཟླ་བའི་སྲས་མོ་ཞེས་བཏང་བ་དེ་གསན་རོགས་གནང་།

བོད་ཀྱི་གླུ་གར་རྒྱ་མཚོའི་ལས་རིམ་ནང་དུ་རྒྱ་དམར་གྱིས་བོད་ལ་བཙན་འཛུལ་བྱས་རྗེས་བོད་མི་ཁྲི་ཚོ་མང་པོས་ཕྱི་ལོ་༡༩༥༩་ལོར་བོད་ཀྱི་རྒྱལ་ས་ལྷ་སའི་ནོར་གླིང་ཕོ་བྲང་མདུན་དུ་རྒྱ་དམར་ལ་ཞི་བའི་ངོ་རྒོལ་བྱས་ནས་ལོ་༦༣་འཁོར་བའི་རྗེས་དྲན་ཉིན་བོད་མིའི་གཞུང་འབྲེལ་རྗེས་དྲན་གླུ་གཞས་ཁག་ཅིག་གཤམ་ལ་རྒྱང་སྲིང་ཞུ་རྒྱུ་ཡིན།།

དེ་རིང་གི་སོ་ཡ་ལའི་བོད་ཀྱི་གླུ་གར་རྒྱ་མཚོའི་ལས་རིམས་འདིའི་ནང་བོད་ཆུ་སྟག་གནམ་ལོ་གསར་དུ་བཞད་པའི་དགའ་སྟོན་ཉིན་དམིགས་བསལ་ཆེད་བསྒྲིགས་ཞུས་པའི་ལོ་གསར་གླུ་གཞས་བཏང་བ་ཁག་ཅིག་བྱེ་གཞོང་བློ་བཟང་ཚུལ་ཁྲིམས་ཀྱིས་ཕྱོགས་བསྒྲིགས་ཞུས་པ་དེ་གཤམ་ལ་གསན་རོགས་གནང་།།

༧གོང་ས་སྐྱབས་མགོན་རྒྱལ་བ་རིན་པོ་ཆེ་མཆོག་དགུང་གྲངས་༨༥་ལ་ཕེབས་པའི་སྐུའི་འཁྲུངས་སྐར་དང་བསྟུན། ང་ཚོའི་གཞིས་བྱེས་གཉིས་སུ་གནས་འཁོད་བོད་པ་དང་རི་བོ་ཧི་མ་ལ་ཡའི་རི་རྒྱུད་དུ་གནས་པའི་གངས་ཅན་པ་ཡོངས་ལ་༧གོང་ས་མཆོག་གི་བསྟོད་དབྱངས་བོད་གཞས་ཁག་ཅིག་རླུང་འཕྲིན་ལས་རིམ་ཁོངས་སུ་སྙན་སྒྲོན་ཞུ་རྒྱུ་ཡིན། བསྟོད་དབྱངས་གླུའི་མཆོད་པ་དང་པོ། ༡ ཏཱ་ལའི་བླ་མ། ༢ བཀྲིས་སྨོན་ལམ། ༣ ང་ཡི་རྩ་བའི་བླ་མ། ཐེངས་འདིའི་ལེ་ཚན་གོ་སྒྲིག་ཞུ་མཁན་བྱེ་གཞོང་བློ་བཟང་ཚུལ་ཁྲིམས་ཡིན

བོད་ཀྱི་ཟློས་གར་སྒྱུ་རྩལ་བ་གྲགས་ཅན་ཤ་ཟུར་བཀྲིས་དོན་གྲུབ། ཡོངས་གྲགས་སུ་བཀྲས་ཆུང་ལགས་ནི་བོད་ཀྱི་གླུ་གར་རོལ་མོ་སྤྱི་དང་བྱེ་བྲག་ཏུ་ནང་མ་སྟོད་གཞས་སྐོར་དམིགས་བསལ་ཁྱད་མཁས་གཅིག་ཡིན་པ་དང་། ཐེངས་འདིའི་སོ་ཡ་ལ་བོད་ཀྱི་གནའ་བོའི་གླུ་གཞས་ཀྱི་ལས་རིམ་ནང་ཁོང་གིས་གནའ་བོའི་སྲོལ་རྒྱུན་ནང་མ་སྟོད་གཞས་ཁག་ཅིག་ཚད་མཐོའི་སྒྲ་འཇུག་བྱས་པའི་ལས་གཞི་སོགས་ཀྱི་སྐོར་ལ་བྱེ་གཞོང་བློ་བཟང་ཚུལ་ཁྲིམས་ལགས་ཀྱིས་བཅར་འདྲི་བ་ཞུས་པ་དང་ཆབས་ཅིག ཁོང་གིས་བཏང་བའི་གླུ་གཞན་ཁག་གཅིག་མཉམ་འཇུག་བྱས་པ།

ཨ་རིའི་རླུང་འཕྲིན་ཁང་བོད་སྐད་སྡེ་ཚན་གྱི་སོ་ཡ་ལའི་བོད་ཀྱི་གླུ་གཞས་ལས་རིམ་ནང་མང་ཚོགས་ནས་ཧ་ཅང་དགའ་མོས་ཆེན་པོ་ཡོད་པའི་བོད་ཀྱི་མཛའ་གླུ་བློ་དཀར་ཞེས་པ་དང་། སེམས་དགའ་བའི་བུ་མོ། བོད་མཐོ་སྒང༌གི་འབྲོག་པ་རྣམས་ལ་བསྟོད་པ་ཕུལ་བའི་གླུ་གཞས་འབྲོག་མི་དང་ཡབ་མེས་ཀྱི་སྲོལ་བཟང་གཉིས་བཅས་རྒྱང་སྲིང་ཞུ་རྒྱུ་ཡོད། ལས་རིམ་ཕྱོགས་སྒྲིག་ཞུ་མཁན་བྱེ་གཞོང་བློ་བཟང་ཚུལ་ཁྲིམས་རེད།