Соңку жаңылыктар

Бул үналгы берүү ар күнү Бишкек убакыты боюнча саат 18:00ден 18:30га чейин обого түз чыгат.

Кыргызстан АКШнын кара тизмесинен "Керемет банкты" чыгарууга аракет жасап жатат. Бул тууралуу Улуттук банктын төрагасы Мелис Тургунбаев билдирди жана ушул максатта президент Садыр Жапаровдун тапшырмасы менен Кошмо Штаттарына дагы барып келгенин билдирди. Ушул жылдын башында АКШнын Каржы министрлиги жаңы санкциялар топтомун жарыялаганда анын ичинде “Керемет банк” дагы болгон. Орусия менен активдүү кызматташат деген негизде Кыргызстандагы ондон ашык компания дагы кара тизмеге илинген. Расмий Бишкек санкцияларды кыйгап өтүүгө көмөктөшүп жатат деген дооматтарды четке кагып келет.

Бул үналгы берүү ар күнү Бишкек убакыты боюнча саат 18:30ден 19:00га чейин обого түз чыгат.

Кыргызстан Газа тилкесинен палестиндерди башка жактарга күчтөп көчүрүү боюнча сунуштарга тынчсызданууда. Бул тууралуу Кыргызстандын Министрлер кабинетинин төрагасынын орун басары Эдил Байсалов 24-февралда Бириккен Улуттар Уюмунун Адам укуктары боюнча кеңешинин Женевада өткөн жогорку деңгээлдеги 58-жыйынында билдирди.

Бул үналгы берүү ар күнү Бишкек убакыты боюнча саат 18:00ден 18:30га чейин обого түз чыгат.

Дарыгерлердин маалыматында, Кыргызстанда жылына геморрой дарты менен кайрылган эки миңге жакын адамга операция жасалат. Алардын көбү Улуттук госпиталдын проктология бөлүмүнө кайрылышат. Адистер геморрой өтө көп кездешерин жана дарыланбаса кесепети оор болорун айтышат. “Сергек жашоо” подкастында бүгүн май чучуктун сезгениши эмнеге алып келет деген суроого медицина илимдеринин кандидаты, доцент Сапарбек Турдалиев жооп берет.

"Азаттык үналгысынын" бул берүүсү Бишкек убакыты боюнча саат 07:00ден 08:00ге чейин обого чыгарылат.

Израил палестиндерди абактан бошотуу боюнча кезектеги жараянды азырынча токтото турмай болгонун билдирди. 22-февралда ХАМАС радикал тобу (АКШда жана Евробиримдикте террордук деп жарыяланган) барымтада кармап турган алты израилдикти бошоткону үчүн Израил өз абактарынан 602 палестинди чыгармак.

Израилдин премьер-министри Биньямин Нетаньяхунун кеңсесинин билдирүүсүндө "барымтадагы кийинки жарандар коё берилери, аларды бошотуп жатканда кемсинтүүчү мамиле жасалбай турганы" жөнүндө кепилдик берилмейинче абактагы 602 палестин бошотулбасы айтылды.

Жакында эле Бишкектеги бир катар тарыхый архитектуралык имараттардын макамын алуу тууралуу сөз болуп жатканы социалдык тармактарда талкууга түштү. Бул боюнча атайын комиссия түзүлүп, жыйын курган. Тарыхчы, архитекторлор, маданият ишмерлери буга каршылык билдирип, өлкө жетекчилигине кайрылууда. Ал имараттардын шаар үчүн тарыхый – архитектуралык мааниси кандай? Урбанизация күчөп жаткан мезгилде шаарды тарыхый архитектуралык эстеликтерин жоготпой, кантип кеңейтүү керек? Шаардын жүзү, негизи эле шаар кандай болушу зарыл? Бул суроолорду Кыргыз эл жазуучусу, тарыхчы, президенттин кеңешчиси Арслан Капай уулу, белгилүү саясий жана коомдук ишмер, Жогорку Кеңештин экс-депутаты, архитектор Ишенбай Кадырбеков, публицист, Президентке караштуу караштуу Стратегиялык демилгелер улуттук институтунун эксперти Кадыр Кошалиев менен талкуулайбыз.

Бул үналгы берүү ар күнү Бишкек убакыты боюнча саат 18:00ден 18:30га чейин обого түз чыгат.