Die Sekretaris-Generaal van die PDM, Manuel Ngaringombe, het die Speaker van die Nasionale Vergadering, Saara Kuugongelwa-Amadhila, daarvan beskuldig dat sy beheer oor die parlement verloor het. Dit volg op haar besluit om AR-lede Tuhafeni Kalola en Job Amupanda uit Donderdag se sitting te laat verwyder na 'n hete woordewisseling. Ngaringombe het aan Kosmos 94.1 Nuus gesê dat die Speaker se optrede toenemend bevooroordeeld, ontwrigtend en 'n bedreiging vir demokratiese beginsels is.