An der drëtter Episod vun der Fussball-Rubrik „TRIVELA“ steet eng leschte Kéier d'WM 2026 am Fokus. Zesumme mam Yannick bléckt de Ben op dat zréck, wat d'Fussballwelt an de leschte Woche beweegt huet.

An der siwenter Episod ass mam Katrin Kohl eng ambitionéiert Para-Sportlerin am Podcast „Sport aus der Heemecht“ dobäi. D'Lëtzebuergerin schwätzt ënner anerem iwwert seng Erfarungen op de Paralympesche Spiller zu Paräis, wéi hat iwwerhaapt am Para-Sport gelant ass a wou et nach Verbesserungspotenzial gëtt.

Den Opbau vun der Episod:

0'00" - Intro & Präsentatioun.

1'15" - Den Ufank vum Katrin senger Karriär.

5'00" - Dem Katrin seng gréissten Erausfuerderungen.

6'05" - Den Opbau vum Katrin sengem Training.

7'30" - D'Thema Inklusioun zu Lëtzebuerg (I).

8'50" - Wéi entstinn d'Kategorien am Para-Sport?

15'00" - Entweder, oder?

21'45" - D'Paralympesch Spiller zu Paräis.

37'05" - D'Thema Inklusioun zu Lëtzebuerg (II).

44'00" - Ofschléissend generell Froen.

50'00" - Outro.

Merci un den Eddy Peters fir d'Foto um Cover vun der Episod.

D'Formel 1 geet gläich an d'Summerpaus al dofir geheien de Ben an de Luc ee Bléck op dat, wat zu Spielberg an zu Silverstone geschitt ass, si kucken op déi nächst zwou Coursen no vir a lancéieren d'Silly Season.

An der zweeter Episod vun der Fussball-Rubrik „Trivela“ ass de Christophe beim Ben op Besuch, fir iwwer d'WM ze schwätzen. Ganz trei dem Motto „no der Gruppephase ass virun der KO-Phase“ blécken si net just op dat zréck, wat scho geschitt ass, mee och op dat no vir, wat eis eventuell erwaarde kéint. Vill Spaass! :)

Déi fënneft Episod vun der Formel-1-Rubrik „Box Box“ ass ee Réckbléck op den éischten europäeschen Doubleheader zu Monaco an zu Barcelona an een Ausbléck op deen zweeten europäeschen Doubleheader zu Spielberg an zu Silverstone. Vill Spaass! :)

An der éischter Episod vun der Fussball-Rubrik vun „Sport aus der Heemecht - De Podcast“ diskutéiert de Ben mam Anthony iwwer d'WM 2026.

Kann de Cristiano Ronaldo säin éischte WM-Titel feieren? Kritt de Kylian Mbappé säin Ego op d'Säit geluecht? Soll de Manuel Neuer bei Däitschland am Gol stoen? Ass Japan den Underdog op deen ee setze soll? Wéi wäit kommen d'Gastgeber-Natiounen? Gëtt et dem Lamine Yamal säin Turnéier? Huet Argentinien nach deen néidegen Honger? Packt et Brasilien aus der Krise?

Dës a nach vill méi Froen probéiere mir an der éischter Episod ze beäntweren. Vill Spaass! :)

Den Opbau vun der Episod:

0'00" - Intro & Präsentatioun vum Podcast.

1'00" - Football oder Soccer?

1'15" - Déi éischt WM mat 48 Länner.

6'30" - Grupp A (Mexiko, Südafrika, Südkorea & Tschechien)

9'55" - Grupp B (Kanada, Bosnien & Herzegowina, Katar & Schwäiz)

15'10" - Grupp C (Brasilien, Marokko, Haiti & Schottland)

24'00" - Grupp D (USA, Paraguay, Australien & Tierkei)

30'30" - Grupp E (Däitschland, Curaçao, Elfenbeinküste & Ecuador)

48'20" - Grupp F (Holland, Japan, Schweden & Tunesien)

55'25" - Grupp G (Belsch, Ägypten, Iran & Neuseeland)

67'25" - Grupp H (Spuenien, Kap Verde, Saudi-Arabien & Uruguay)

76'55" - Grupp I (Frankräich, Senegal, Irak & Norwegen)

85'10" - Grupp J (Argentinien, Algerien, Éisterräich & Jordanien)

88'20" - Grupp K (Portugal, DR Kongo, Usbekistan & Kolumbien)

98'10" - Grupp L (England, Kroatien, Ghana, Panama)

105'40" - Iwwerbléck & Predictions.

108'40" - Outro.

Mat der Fussball-Weltmeeschterschaft steet dëse Mount dat wuel gréisste Sportevent vun der Welt um Programm. Dofir ass an der sechster Episod mam Louis Marasi een amtéierende Champion an U21-Nationalspiller am Fussball als Invité dobäi. Nieft aktuellen Theme ronderëm d'WM hëlt de Spiller vum FC Atert Bissen eis mat an d'Emotioune vu sengem entscheedende Gol um leschte Spilldag an erzielt, wat d'Ambitioune fir d'nächst Saison sinn, wann hie mat senger Ekipp an der Champions League spillt.

Den Opbau vun der Episod:

0'00" - Intro & Präsentatioun vum Podcast.

0'40" - Dem Louis säi Championstitel mam FC Atert Bissen.

16'35" - Champions League mam FC Atert Bissen.

23'55" - D'Zäit an der U21-Nationalekipp.

27'20" - D'Thema Talent, Entwécklung & Belaaschtung.

38'15" - D'Fussball-Weltmeeschterschaft 2026.

78'45" - Outro.

Fir de Luc an de Ben war de Grousse Präis vu Kanada dee bis elo animéiertste Weekend vun dëser Formel-1-Saison. Nieft dem Duell ëm d'Spëtzt tëscht Russell an Antonelli hunn och den Hamilton an de Verstappen fir flott Momenter op der Streck gesuergt. Nieft der Streck huet virun allem McLaren mat engem Strategie-Debakel op sech opmierksam gemaach a bei enger Mëttelfeld-Ecurie gëtt d'Zukunft vun engem Grand-Prix-Gewënner hannerfrot. Zum Ofschloss präsentéieren de Luc an de Ben mat Hëllef vun ChatGPT e puer interessant Verbesserungsvirschléi fir de Grousse Präis vu Monaco méi attraktiv ze maachen. Vill Spaass! :)

An der fënnefter Episod huet de Ben sech fir déi éischte Kéier an dësem Podcast eng Profisportlerin un d'Säit geholl: D'Anne Simon. Déi talentéiert an ambitionéiert Basketspillerin erzielt vun hirem Wee aus der Jugend vum AB Contern bis an déi grouss wäit Welt. D'Bundesliga war dobäi just eng Tëschestatioun, de Championstitel mam BBC Gréngewald de kréinenden Ofschloss zu Lëtzebuerg an de Stipendium an den USA eng immens Liewenserfarung. Mëttlerweil ass d'Anne Simon Profi an Italien an eng Féierungsspillerin an der Nationalekipp.

Den Opbau vun der Episod:

0'00" - Intro & Präsentatioun vum Podcast.

0'30" - Wat bedeit Basket fir d'Anne?

1'45" - Wéini huet et „Click“ gemaach?

4'55" - Den Debüt am Seniorsberäich.

6'30" - De Sprong an d'Bundesliga.

9'45" - 2018/19: De Retour op Lëtzebuerg, de Champions-Titel mam Gréngewald & d'Zäit op der Première.

19'35" - D'Zäit an den USA.

29'40" - Spill: Dem Anne seng Top-3.

42'00" - D'Profi-Liewen an Italien & firwat et net mat der WNBA geklappt huet.

67'40" - D'Karriär an der Nationalekipp.

76'25" - Anekdoten.

79'25" - Dem Anne säi Podcast mam Magaly.

83'40" - Ofschléissend generell Froen.

88'40" - Outro.

An der drëtter Episod vum Podcast BOX BOX blécken de Ben an de Luc op de grousse Comeback vun der Formel 1 zu Miami zréck a stellen sech dobäi interessant froen: Ass de Kimi Antonelli iwwerhaapt ze schloen? Wéi steet et ëm dem Max Verstappen seng Zukunft? Ass Williams endlech 2026 ukomm? Wéi wäit kann Aston Martin nach falen? etc. Mir wënschen iech vill Spaass. :)