Յհ 12.1-8 կը ներկայացնէ Տիրոջ Խօսքը հաւատքով եւ նուիրումով լսելու եւ ընդունելու լաւագոյն օրինակը: Այս հատուածին մէջ պիտի սորվինք, թէ ծառայութիւնը եւ պաշտօնները չեն, որ մեզ Տիրոջ սիրտին փափաքը յստակ կերպով կը յայտնեն, հապա խօսքը ուշի-ուշով մտիկ ընելը եւ Խօսքէն սնանիլը:

Վեր. Գէորգ Չափարեան

Վախը լաւ յատկութիւն մըն է, երբ մեր մեղանչական բնոյթին մէջ զգանք, կարգ մը սխալներէ կը խուսափինք: Աստուածաշունչին մէջ կը տեսնենք, թէ տարբեր տեսակի վախեր կան, որոնք ունին տարբեր բացատրութիւններ: Կ'ուզեմ հասկնաս, թէ Աստուած կը խօսի մեր սայթաքած բնութեան: Մենք Աստուծոյ պատկերին նմանութիւնը ունինք եւ այդ նմանութիւնը Աստուծոյ արժէքներուն եւ սկզբունքներուն համաձայն կը գործէ: Արդեօք Աստուած բանէ մը վախնալուն պատճառո՞վ որոշումներ կառնէ, ոչ թէ Իր սուրբ, արդար եւ կատարեալ ըլլալուն համար: Վախէն ազդուած շարժիլը սխալ վիճակ մը կամ հիւանդութիւն մըն է, որ քեզ ներքնապէս չի շիներ, այլ կը քանդէ:

Վեր. Գէորգ Չափարեան

Ինչո՞ւ փնտռել զԱստուած՝գտնելու նպատակով: Երբ ուշադրութեամբ նայիմ ինքնութեանս, Աստուծոյ պատկերին նմանութեամբ ստեղծուելուս եւ հոգի, մարմին, շունչ (Ա.Թգ 5.23) ունենալուս եւ այլ աստուածաշնչական իրականութիւններուն, չեմ կրնար երեւակայէր, թէ պետք է փնտռելով գտնեմ զԱստուած, որովհետեւ հոգիիս միջոցաւ պէտք է կարենամ ստանալ ամէն ինչ, որ պէտք է ինծի՝ Աստուծոյ տուած կեանքը ապրելու եւ Անոր հետ քալելու համար:

Վեր. Գէորգ Չափարեան

«Ինծի՛ եկէք դուք բոլորդ, յոգնածներ եւ բեռնաւորուածնէր, եւ ես հանգիստ պիտի տամ ձեզի […]» (Մտ 11.29): Տէր Յիսուս կը պատուիրէ, որ Իրեն մօտենանք (հմմտ Յկ 4.7-8) հանգստանալու համար, Իր լուծը մեր վրայ առնենք (Իրեն հետ մէկ ըլլանք) ու սորվինք իրմէ: Երբ Տիրոջ կը մօտենանք, պէտք է Զինք ամէն բանէ աւելի սիրենք (Ղկ 14.26-33:

Վեր. Գէորգ Չափարեան

Աստուածաշունչը կը յայտնէ, թէ Տիրոջ գալուստին սպասող հաւատացեալներէն «որեւէ շնորհք չի պակսիր», եւ Աստուած այդ շնորհքներուն միջոցաւ «հաստատուն պիտի պահէ» զիրենք, որպէսզի «անմեղադրելի» ըլլան «Տիրոջ Յիսուս Քրիստոսի դատաստանին օրը»: [...]

Վեր. Գէորգ Չափարեան

«Ձեզմէ իւրաքանչիւրը իբրեւ Աստուծոյ բազմատեսակ պարգեւներուն իրաւ տնտես՝ իր ստացած շնորհքը ուրիշներուն թող մատակարարէ» (Ա.Պտ 4.10):

Իմանալէ ետք, թէ Աստուծոյ զաւակները բազմատեսակ պարգեւներու տնտեսներ են, բնակա՛ն է, որ ուզես շնորհքդ գիտնալ եւ անմիջապէս գործի լծել զայն:

Աստուածաշունչը այդ մասին քեզի կ'ուզէ իմացնել, թէ Աստուծոյ ծառայելու մօտեցող անձը իր պաշտօնը պէտք չէ իբրեւ պարտականութիւն կատարէ, այլ՝ պէտք է Աստուծոյ նկարագիրով եւ նորոգուած սիրտով մը յանձն առնէ ծառայութիւնը, ինչպէս Աստուած Իր սիրովը յանձն առաւ զայն. «Աստուծոյ սէրը հետեւեալ ձեւով մեզի յայտնուեցաւ.- Աստուած իր միածին Որդին ղրկեց աշխարհ, որպէսզի անով կեանք ունենանք: Այս է ահա ճշմարիտ սէրը. ո՛չ թէ մենք սիրեցինք զԱստուած, այլ Աստուած ինք սիրեց մեզ եւ իր Որդին ղրկեց մեր մեղքերը քաւող իբրեւ զոհ» (Ա.Յհ 4.9-10): [...]

Վեր.Գէորգ Չափարեան

Նուիրուած ըլլալով հանդերձ, Յիսուսի աշակերտները տակաւին անվարժ էին առաքելութեան պահանջներուն: Յիսուս գիտէր, որ երբ Սուրբ Հոգին գար, Իր շնորհքները պիտի թափէր միայն անոնց վրայ, որոնք իրենց սիրտերը նուիրած էին Յիսուսի նկարագիրով կերտուելու գործին:

Յիսուս կը փափաքէր, որ աշակերտները աւելի մօտէն ծանօթանային Իր առաքելութեան, որովհետեւ Սուրբ Հոգին անոնց նորոգուած սիրտերուն միջոցաւ էր, որ զԻնք աշխարհին պիտի ծանօթացնէր. «Անիկա զիս պիտի փառաւորէ, որովհետեւ ինչ որ ինձմէ առնէ՝ պիտի յայտնէ ձեզի» (Յհ 16.14): [...]

Վեր.Գէորգ Չափարեան

Վերնատան քարոզին միջոցաւ Տէր Յիսուս շատ բաներ ուզեց յայտնել աշակերտներուն, որոնք մօտ ատենէ այլեւս պիտի չտեսնէին զԻնք եւ շատ օտար, առանձին, տկար ու անմխիթար պիտի զգային աշխարհէն եւ Սատանայէն եկող հոսանքներուն դիմաց:

Առանց Սուրբ Հոգիին օգնութեան, հաւատացեալներս Աստուծոյ պահանջած Քրիստոնէական կեանքը չենք կրնար ապրիլ. «[...] Վասնզի առանց ինծի բան մը չէք կրնար ընել» (Յհ 15.5: Հմմտ Զք 4.6):

Անհրաժեշտ է գիտնալ, թէ ո՛վ է Սուրբ Հոգին, ի՛նչ կ'ընէ եւ ի՛նչպէս կ'ընէ: [...]

Վեր.Գէորգ Չափարեան

Սուրբ Հոգիին մասին հարազատ գիտութիւն ունենալը կարեւորագոյն սկզբնակէտ մը պիտի ըլլայ հաւատացեալին համար՝ իր առաքելութիւնը զորութեամբ կատարելագործելու համար: Տէր Յիսուս Իր աշակերտները պատրաստեց, որպէսզի լաւապէս ճանչնան Սուրբ Հոգին եւ իրենց առաքելութիւնը սկսին Անոր հետ գործակցելով (տե՛ս Յհ 14—16):

Աստուածաշունչը կը յայտնէ, թէ Աստուած Իր գործերը սկսաւ Սուրբ Հոգիին միջոցաւ եւ միշտ Անոր միջոցաւ կը կատարէ զանոնք: Աստուածաշունչը կը յայնտէ նաեւ, թէ Աստուած ստեղծագործութիւնը ըրաւ Իր խօսքով եւ Սուրբ Հոգիին գործակցութեամբ (Ծն 1.2-3):

Աստուած երկիրը յանձնեց մարդոց պատասխանատուութեան (տե՛ս Սղ 115.16), եւ մարդոց հետ գործակցելով կը միջամտէ եւ Իր օգնութիւնն ու ծրագիրները կը հրամցնէ, որպէսզի մարդիկ երկիրը կառավարեն Աստուծոյ տեսակէտով:

Սուրբ Հոգին կը գործակցի այն մարդոց հետ, որոնք Քրիստոսով Աստուծոյ նապատակներուն համաձայն կ'ապրին երկրի վրայ: [...]

Վեր.Գէորգ Չափարեան

«[…] Յիսուս ասիկա կ'ըսէր Հոգիին համար, որ ԻՐԵՆ ՀԱՒԱՏԱՑՈՂՆԵՐԸ ՊԻՏԻ ԸՆԴՈՒՆԷԻՆ […]» (Յհ 7.37-39):

Ի՞նչ պիտի «ԸՆԴՈՒՆԷԻՆ» (հմմտ Գրծ 2.38): «Ո՛վ որ ինծի կը հաւատայ, ինչպէս Սուրբ գիրքը կ'ըսէ “Անոր սիրտէն կենսատու ջուրի գետեր պիտի բխին”» (Յհ 7.38):

Տէր Յիսուսի առաջարկած խօսքը՝ վարդապետութիւնը ընդունողները պիտի ստանային Սուրբ Հոգին, որ իրենց սիրտին մէջ պիտի գործէր «կենսատու ջուրի» գետերու պէս:

Կենսատու ջուրի գետերը ունին զանազան տեսակի բացատրութիւններ ինչպէս նաեւ հաւատացեալին ներսիդին գործելնուն իբրեւ արդիւնք յառաջ բերելիք լաւութիւններ: [...]

Վեր.Գէորգ Չափարեան