'n Globale entrepreneurskapsprogram, ondersteun deur die Stanford Graduate School of Business en die De Beers-groep, doen opnuut 'n beroep op Namibiese sakeleiers om voor 1 Junie aansoek te doen vir sy transformerende sakegroei-inisiatief. Jeffrey Prickett, die globale direkteur van die Stanford Transformasieprogram, vertel aan Kosmos 94.1 Nuus dat die program reeds meer as 200 maatskappye reg oor Suider-Afrika gehelp het om bedrywighede uit te brei, duisende werkgeleenthede te skep en miljoene in beleggings te lok.