Die satelliet-internetdiensverskaffer Starlink sê hulle sal appèl aanteken ná die Kommunikasie-reguleringsowerheid van Namibië, Cran, se verwerping van hul aansoek om in Namibië sake te doen. In 'n verklaring beskryf Starlink die owerheid se besluit as 'n "teleurstellende uitkoms". Kosmos 94.1 Nuus het met Josephine Shigwedha van Cran gepraat, wat sê hulle het steeds nie 'n formele appèl van Starlink ontvang nie.