Loss seems to be the price of abundance, the counterpoise to the richness of life, and remains always, even in moments of attainment, its silent necessary companion. ​
- James Hollis

Lydenstyd is wat ons dié tyd van die Kerkjaar noem, wat uitloop in Paasnaweek. Dis dalk vreemd dat ‘n kalender ons moet dwing om op lyding te fokus…asof die lewe dit nie in elk geval doen nie.

- André Serfontein

Oor die eeue sien ons die spore van God se beweging. Soms baie duidelik, soos broodkrummels langs die pad. Soms is dit ‘n botsing, soos ‘n ou vergete cultivar wat jou verras. Ons herken hierdie beweging soms selfs as ‘n polsslag in ons are.

Om Sy beweging al meer te herken in die stof van ons alledaagse wil ons agterkom wat is die oorsprong daarvan: WAAROM en WAARTOE beweeg God, soek Hy ons op en sleur ons mee in Sy beweging?

In die afsluiting van die reeks GROND wil ons deur die tekens van brood en wyn dié oorsprong van God se beweging betree.

Soms sê Jesus vir sy volgelinge: “Volg My.” Op ’n ander keer is die opdrag” “Bly in My.” En dan hoor ons Hom ook sê: “Gaan.”

Wat gebeur wanneer ons *nie* gaan nie? *Waarheen* moet ons gaan, en *hoe* behoort ons te gaan? Ons wil Sondag - vanuit die storie van God se opdrag aan Moses om te gaan - ’n nuwe perspektief kry op roeping. Ons denke hieroor het ’n dringende omkeer nodig, sodat ons kom en gaan nooit weer dieselfde sal wees nie!