Suider-Afrikaans gebore wetenskaplikes en sterrekundiges het al hulle merk gemaak op die gebied van ruimteverkenning, soos die amateursterrekundige John Bennet, na wie die Bennetkomeet vernoem is. Daar is ook dr. Japie van Zyl, voorheen van JPL, wat 'n leidende rol gespeel het in die Amerikaanse ruimteprogram. Heel onlangs het 'n amateursterrekundige van Centurion, Clyde Foster, 'n verskynsel op Jupiter ontdek wat voorheen nooit waargeneem is nie. Dit staan nou bekend as Clyde's Spot. Clyde is aan die woord oor sy merkwaardige ontdekking.