Dr Japie van Zyl van die Jet Propulsion Laboratory in Kalifornië moes die afgelope week redelik bontstaan met die lansering van die Insight-satelliet na Mars. Dis die eerste diepruimsatelliet wat van die Amerikaanse Weskus af gelanseer is. Hy vertel hoe alles afgeloop het, en wat die pad vorentoe is met Insight. Hy praat ook oor 'n stel nuwe satelliete, Grace Follow On, wat belangrike werk sal doen om die beweging van water op die aarde te meet. Die span praat ook oor die nuwe generasie ruimteteleskope wat veel groter spieëls sal hê.