Eng Balance am Liewen ze fannen ass net einfach, dat wëssen net just d’Cheryl an d’Laure, mee och hir Invitée Claire Asselborn. Haut ass d’Claire 26, Bodybuilderin, Coach an Dog mom. Fréier hätt d’Claire sech awer warscheinlech anescht definéiert - oder op alle Fall duerch aner Saachen, respektiv Extremer.

D’Cheryl an d’Laure wëlle wëssen: Ass Bodybuilding net och nees en Extrem? Firwat ass d’Claire net méi Plant-based? A wat ass bei him am Liewen nach still loading...?

Eng Episod iwwer Perfektionismus, Sport, Ernärung an dem permanente Verglach - awer och doriwwer, wéi een de Schalter bei sech selwer muss fannen, fir aus ale Muster auszebriechen.

⚠️ Triggerwarnung: An dëser Episod ginn Theme wéi Iessstéierungen an e gestéiert Kierperbild behandelt. Wann s du dech domat schwéier dees, skip dës Episod léiwer a lauschter eng vun eisen Aneren. Wann s du Problemer mam Iessen oder mat dengem  Kierperbild hues, schwätz mat enger Persoun vun dengem Vertrauen an / oder sich dir professionell Hëllef.

Disclaimer: An dëser Episod schwätze mir vill aus eegener Erfarung / Perspektiv. Net alles wat gesot gëtt ass eng allgemeng gülteg Ausso oder trëfft op jiddereen zou.

Ee Mol an de Weltall fléien. Iergendwann eng Palme d’Orgewannen. Eng Kéier an engem Film en Astronaut spillen. Dat sinn Dreem, déi wäit fort wierken, fir de Lou sinn et Ziler, déi zwar ëmmer nach wäit fort sinn, mee un deenen hien all Dag schafft an hofft hinnen iergendwann méi no ze kommen.

De Lou ass 21, studéiert Schauspill zu New York an huet keng Zweifel dorun, dass hie säi Wee fonnt huet. Wéi hien op d’Iddi komm ass Schauspiller wëllen ze ginn a wat seng Elteren dozou gesot hunn erzielt hien dem Cheryl a Laure an derneister Episod vu Still loading...

A wann dir iech schonn ëmmer gefrot hutt, wéi een opKnappdrock kräische kann oder wéi ee besonnesch bedrolech virun der Kamera wierkt, da lauschtert iech dës Episod net just un, mee kuckt se am Beschten.

Wat mécht ee wann dat eegent Liewen op den Erwaardunge vun anere Leit opbaut, an een d’Gefill huet, net fräi ze sinn?

Fir den Thuto war scho fréi kloer, hie wëll säin eegene Wee schreiwen - och wann dat net deen Einfachsten ass: et soll säi sinn!

Vun Adoptioun, Fortlafen, Therapie an dem Wonsch no Fräiheet an Identitéit – an dëser Episod erzielt de Konscht-Schüler dem Cheryl an dem Laure seng Geschicht.

Wichteg: Dat heiten ass dem Thuto seng Erzielung vu sengem Liewen an hie ka just aus senger Perspektiv schwätzen an net fir aner Leit.

D’Laure huet mol rem eng Etüd dobäi an déi beseet,dass den Duerchschnëttsalter an deem Fraen zu Lëtzebuerg Kanner kréie bei 31,4 Joer läit. D’Nadia passt net an déi Statistik: hatt huet säi Jong mat 25 krut.

Haut ass hatt, wéi d’Cheryl géif soen, “Entrepreneur-baddie a Single mom” a verréit firwat hatt dankbar ass, dass säi Liewen net där “typescher” timeline no gelaf ass.

Mee wat ass schonn typesch... a wat ass kritesch?! Vun deraktueller Dating-Zeen, ofgebrachenem Studium, der Realitéit hannert Entrepreneurship a Veganismus an der Erzéiung – an dëser Episod ginn et vill Froen an nach méi Meenungen (virun allem wat d’Wuert “fréier” betrëfft).

“Ech dierf net aus der Roll falen”, “ech muss mech der Gesellschaft upassen fir derzouzegehéieren”, “ech soll esou si wéi anerer dat vu mir erwaarden” – dat sinn alles Gedanken, déi den Elias Dag fir Dag hat. Bis hie realiséiert huet, dass et SÄI Liewen, an NET dat vun Aneren, ass an hien et dowéinst och genee esou liewe sollt wéi hien dat wëll: als Mann!

Den Elias war "am falsche Kierper" gebuer. Mëttlerweil liefthien awer déi Realitéit, déi fir hien déi Richteg ass – egal wat Anerer dozou soen. Mee wéi hunn d'Leit a sengem Ëmfeld eigentlech reagéiert? Wéi schwéier ass dee Prozess - mental, sozial a physesch? A gëtt hien als Polizist méi respektéiert wéi fréier als Polizistin? Dat an nach méi hunn d'Laure an d'Cheryl den Transmann an dëser Episod vu Still loading... gefrot.

Radio ass linear — d’Liewe vun de Leit, déi een op Antenn héiert, net onbedéngt. D’Michelle Barthel huet fir Infirmière anesthésiste geléiert an am Beruff geschafft, bis et sech agestoe misst, dass dee Wee et net méi erfëllt.

Tatsaach ass, dass d’Michelle eppes mat Passioun maache muss, soss klappt et net. “D’Tatsaach” ass och den Numm vun enger Zeitung, déi hatt schonn als Kand wollt opmaachen. Also alles op Null: d’Michelle kënnegt am Spidol a geet mat Enn 20 sengem Kandheetswonsch no: Journalismus.

Haut ass d'Michelle Journalistin beim 100,7 a verréit dem Cheryl a Laure wéi et dozou komm ass, wéi säin Alldag an der Redaktioun ausgesäit a firwat et wichteg ass eng gewëssen Distanz kënnen ze halen, egal ob am Spidol oder am Studio.

En impressionanten CV, ee royale Wonsch a ganz vill Passioun fir Makeup - dat ass de Luca De Michele, fir deen d'Cheryl an d'Laure an dëser Episod vu Still loading... ganz vill Froen haten.

D'Theme waren divers, villäicht méi divers wéi d'Modelbranche zu Paräis? Nieft Abléck an de Beruff Makeup artist a firwat, deen ëmmer nach ënnerschat gëtt, ass et awer och ëm perséinlech Erfarungen a Gedankechaos gaangen. An natierlech goufen et och déi eng oder aner Tipps vum Expert selwer.

 “Ceci wat méchs du am Fong?” – Eng Fro, déi d’Cecilia Said Vieira als Freelancerin, Content Creatorin an Aktivistin méi oft ze héiere kritt an op déi och d’Cheryl an d’Laure eng Äntwert wollten. A kruten!

Started from MSN, now we here – An dëser Episod vu Still loading... erzielt d’Ceci wéi a wou alles ugefaangen huet, fir wéi eng Zort vun Entreprisen hatt ni méi géif schaffen a firwat seng Meenung soen a fir sech astoen him esou wichteg ass, egal op online oder am real life.

Ass dem Philippe, besser bekannt als argentdifficile, wierklech alles egal oder ass ëm näischt egal? Dat wollten d'Cheryl an d'Laure an dëser Episod vu Still loading... wëssen an hu sech den TikToker an Englesch-Proff an déi 10ten Episod vum Podcast agelueden.

Geyapped gouf iwwer Frisbee-skills, vegan Ernärung, d'Social media-secret sauce an d'Balance tëscht Education.lu an Influencer-Dasein. Ob d'Glas dann elo hallef voll, hallef eidel, oder "ultra eidel bro" ass, gitt dir gewuer wann dir ralauschtert.

Yaya oder Yannick? Grafiker, Podcaster oder Social-Media-Personality? De Punkt op den i setzen oder sech upassen? Villäicht schléisst dat eent dat anert jo guer net aus, villäicht brauch ee guer keng Nische, just déi richteg tools am Liewen.

Vun Diagnosen, verpasste Chancen, neien Dreem, Selbstvertrauen an dem richtegen Ëmfeld – an dëser Episod léieren d’Cheryl an d’Laure eng ganz Rëtsch u Facette kennen, vun hirem Gaascht dem Yannick Schumacher, awer och aus der Popkultur.
Eng Episod iwwer ADHS, ënnerschiddleche Generatiounen an de verschiddenste Realisatiounen. Zum Beispill déi, datt zwar alles "still loading" ass mee dat nach laang net heescht, dass mir all mam selwechte Stecker oder Kabel funktionéieren.