နှစ်သစ်ကူးခါနီးရင် လူတော်တော်များများ နောက်နှစ်အတွက်ရည်မှန်းချက်ပန်းတိုင်တွေကို ချတတ်ပေမယ့် နောက်နှစ်ကုန်ရင် လည်းဒီရည်မှန်းချက်ပန်းတိုင်တွေကိုပဲ ပြန်ချတတ်ကြတယ်။ဘာလို့လည်းဆိုတော့ လူတွေရဲ့ကိုယ့်ကိုယ်ကို ဖျက်လိုဖျက်စီး လုပ် တတ်တဲ့ အကျင့်တွေကြောင့်လည်းနှစ်တစ်နှစ်တိုင်းမှာ ချမှတ်လိုက်တဲ့ ရည်မှန်းချက်ပန်းတိုင်တွေကို ရောက်ရှိအောင် မလုပ်ဆောင် နိုင်ကြတာပါ။

 ပရော်ဖက်ဆာ Dr. JudyHo ကတော့ သူရေးတဲ့ Stop Self-sabotage စာအုပ်ထဲမှာဒီလိုမျိုး ကိုယ့်ကိုယ်ကို ဖျက်လိုဖျက်စီး လုပ် တတ်တဲ့ အမူအကျင့် (Self-sabotage)ကို ဖျောက်ဖျက်ပစ်နိုင်ဖို့ အဆင့် (၆) ဆင့်ရှိတယ်လို့ပြောပြထားပါတယ်။ ပထမ အဆင့် ကတော့ ကိုယ့်ကို Self-sabotage အမူအကျင့်တွေ ဖြစ်နေစေတဲ့ အတွေးတွေကို ရှာဖွေသုံးသပ်ဖို့ဖြစ်ပါတယ်။ ပထမအဆင့်မှာ Self-sabotage ကို ဖြစ်စေတဲ့ အတွေးတွေကိုရှာပြီးသွားတဲ့အခါ အဆင့် (၂) မှာတော့ ဒီအတွေးတွေနဲ့ ကိုယ်နဲ့ ဝေး ကွာသွားအောင်လုပ်လို့ရတဲ့ နည်းလမ်းကိုသုံးပြီး ဒီအတွေးတွေကို ပြန်သုံးသပ်တဲ့ အဆင့်ပဲ ဖြစ်ပါတယ်။