Hetta varð dagurin, tá løgmaður boðaði frá, at landið spakuliga skal setast uppaftur í ferð eftir páskir.

Fyrst hevði løgmaður tíðindafund fyrrapartin saman við heilsufakliga myndugleikanum og fútanum, meðan landsstýrismaðurin í skúlamálum hevði kunnandi tíðindafund um, hvussu skúla- og dagstovnaøkið verður skipað, tá hesi lata uppaftur mánadagin 20. apríl.

- Tað eru fleiri viðurskifti, sum ikki hanga saman, nú myndugleikarnir ætla at seta ferðina á samfelagnum uppaftur, halda eygleiðarar.