Swasam | சுவாசம்

ராஜி ரகுநாதன் எழுதிய தினசரி வழிபாட்டு ஸ்லோகங்கள். இது சுவாசம் பதிப்பக வெளியீடு.

ஜி எஸ் சிவக்குமார் எழுதிய சுந்தர் பிச்சை புத்தகம். இது சுவாசம் பதிப்பக வெளியீடு.

கேபிள் சங்கர் எழுதிய ஒடிடி வியாபாரம். இது சுவாசம் பதிப்பகத்தின் வெளியீடு.

தாமஸ் ஆல்வா எடிசன், சுவாசம் பதிப்பகம்.

'மா.இராசமாணிக்கனாரின் பல்லவர் வரலாறு - எளிய தமிழில்' நூல் அறிமுகம். நூல் அறிமுகம் செய்பவர்: கபிலன்.

ஓடு சாந்தி ஓடு, சாந்தி, சுவாசம் பதிப்பகம்

“பிறகு வேறொரு உள்ளறைக்கு அழைத்துச் செல்கிறார்கள். அந்த அறையில் ஐந்து ஆண்களும் ஒரு பெண்ணும் இருந்தார்கள். எனக்குப் பயமாகவும் அருவருப்பாகவும் இருந்தது. வேறு வழியில்லை. கட்டிலில் ஏறிப் படுக்கச் சொன்னார்கள். கையைத் தூக்கு, காலைத் தூக்கு என்றெல்லாம் சொன்னார்கள். ஒவ்வொருவரும் அருகில் வந்து பரிசோதனை செய்தார்கள். அவர்களுக்குள் ஏதேதோ பேசிக் கொண்டார்கள். நீண்ட நேரம் நிர்வாணமாக இருந்தேன். உடல் முழுக்கப் பரிசோதிக்கிறார்கள். எனக்கு ஒன்றுமே புரியவில்லை. ஆங்கில மொழி எனக்குச் சரளமாக வராது. அதனால், அவர்கள் கேட்கும் நிறைய கேள்விகளுக்கு என்னால் சரிவரப் பதிலளிக்க முடியாமல் தவித்தேன்.”

*

இந்தியாவுக்காக 2006ல் ஆசிய விளையாட்டுப் போட்டியில் வெள்ளிப் பதக்கம் வென்ற முதல் வீராங்கனை சாந்தி. ஆனால் பாலியல் பரிசோதனை செய்யப்பட்டு அவரது பதக்கம் பறிக்கப்பட்டது.

சாந்தி தன்னை பெண் என்றே உணர்கிறார். தான் பெண் என்பதில் சாந்திக்கு எந்தச் சந்தேகமும் இல்லை. உடல் வடிவமும் உடையுமா ஒரு பெண்ணை பெண் என நிர்ணயிக்க முடியும்? இந்தச் சமூகத்தின் பொதுப் புத்தி சார்ந்த கேள்விகளையும் சர்வதேச அளவில் தனக்கு நேர்ந்த அவமானங்களையும் ஒரு சேர எதிர்கொள்கிறார் சாந்தி.

தன்னை ஒதுக்கிய இச்சமூகத்தின் முன்பு ஒரு வெற்றிப் பெண்ணாக வலம் வர அவர் எதிர்கொண்ட சவால்கள் என்ன?

ஒடுக்கப்பட்ட சமூகத்தில் பிறந்து இந்தியாவுக்காகப் பதக்கம் வென்ற ஓட்டப் பந்தய வீராங்கனையும் பயிற்சியாளருமான சாந்தி சௌந்தர்ராஜனின் சுயசரிதை இது.

சுவாசம் பதிப்பகம், ஜோதி கணேசன், வாட்ஸப் 8148080118

சுவாசம் பதிப்பகத்தின் அடுத்த புத்தகம்...

லியோ டால்ஸ்டாயின் போரும் அமைதியும் (நாவல் சுருக்கம்), அனந்தசாய்ராம் ரங்கராஜன், விலை ரூ 220. முன்னட்டை ஓவியம்: ஜீவா

ரஷ்ய இலக்கிய உலகின் மாபெரும் நாவலாசிரியரான லியோ டால்ஸ்டாய் (1828-1910) அந்நாட்டின் பிரபலமான பிரபு குடும்பத்தைச் சேர்ந்தவர். இளம் வயதிலேயே தம்முடைய பெற்றோரை இழந்த அவர், உறவினர்களால் வளர்க்கப்பட்டார். 1844ல் சட்டப் படிப்பைப் பாதியிலேயே விட்டுவிட்டு சில காலம் ராணுவத்தில் பணியாற்றினார். 1862ல் சோபியா எனும் பெண்ணை மணந்து கொண்டார். அவர்களுக்கு 13 குழந்தைகள். ஆனாலும் அவரது திருமண வாழ்க்கை நிம்மதியாக அமையவில்லை. ஐரோப்பிய நாடுகளில் சுற்றித் திரிந்தார்.

பாரிஸ் நகரத்தில் டால்ஸ்டாய் பார்த்த ஒரு மரண தண்டனை அவரை மிகவும் பாதித்தது. போர்களின் அநியாயங்களை நேரில் கண்ட அவர், பின்னாளில் தனது எழுத்துகளில் அவற்றைப் பிரதிபலித்தார்.

டால்ஸ்டாய் நிறைய எழுதி இருந்தாலும், அவரின் மிகச் சிறந்த அது ‘போரும் அமைதியும்’ நாவல்தான். அவரது காலத்தில் பிரபுக்களின் சமுதாயத்தில் இருந்த நன்மைகளையும், தீமைகளையும் அருமையாக இதில் சித்திரித்திருக்கிறார். வாழ்க்கையில் குறிக்கோள்களுடன் இருப்பவர்களும், அவற்றை அடிக்கடி மாற்றிக் கொள்ளும் மனப்பான்மை உடையவர்களும் கதை மாந்தர்களாக வருகிறார்கள்.

இந்நாவலில் வரும் சக்கரவர்த்திகள் ஜாரும், நெப்போலியனும், ராணுவ அதிகாரிகளும் உண்மையான கதாபாத்திரங்களை அடிப்படையாகக் கொண்டு உருவாக்கப்பட்டவர்கள். சமுதாயத்தின் உயர்மட்டத்தில் வாழ்கின்ற மக்களின் வாழ்க்கை முறையை அவர்களது உரையாடல்கள் மூலம் டால்ஸ்டாய் அற்புதமாகச் சித்திரிக்கிறார். அதே சமயம் அவர்களது மௌனத்தின் அர்த்தத்தையும் சில வரிகளில் குறிப்பிடுகிறார். முக்கியமாகப் போர்க்களங்களில் ஏற்படும் நிகழ்வுகளை இயல்பாக எழுத்தில் காட்சிப்படுத்தியிருக்கிறார்.

ஆயிரத்துக்கும் மேற்பட்ட பக்கங்களில் மூன்று பாகங்களாக விரியும் இந்த நாவலின் சுருக்கம் இந்த நூல்.

அடுத்த சில நாள்களுக்கு மட்டும் 20% தள்ளுபடியில் கிடைக்கும். புத்தகத்தை வாங்குவதற்கான லின்க் கமெண்ட்டில்.

போன் மூலம் ஆர்டர் செய்ய: 81480 80118

சுவாசம் பதிப்பகம். தமிழ்ப் புத்தகங்கள்.

தாமஸ் ஆல்வா எடிசன், எஸ்.எல்.வி. மூர்த்தி, சுவாசம் பதிப்பகம், ரூ 320

உலகை மாற்றி அமைத்த மாபெரும் அறிவியல் அறிஞர். இவரது கண்டுபிடிப்புகள் ஒன்றல்ல, இரண்டல்ல, ஆயிரத்துக்கும் மேல். மின்சாரம் இல்லாத வாழ்க்கையை நினைத்துப் பார்த்தால் தெரியும் எடிசனின் அருமையும் பெருமையும்.

எடிசனின் வாழ்க்கை வரலாற்றை விரிவும் ஆழமுமாகச் சொல்லும் இது போன்ற இன்னொரு நூல் தமிழில் வந்ததில்லை. எடிசனின் கண்டுபிடிப்புகளையும் அதற்கு அவர் எடுத்துக்கொண்ட முயற்சிகளையும் விவரிக்கும் இந்தப் புத்தகம், கூடவே எடிசனின் சமகாலத்து அறிவியல் அறிஞர்கள் பற்றிய துல்லியமான சித்திரத்தையும் தருகிறது.

அறிவியல் அறிஞராக வென்ற எடிசனின் குடும்ப வாழ்க்கைத் தோல்விகளையும், கார்ப்பரேட் யுத்தத்தின் வெற்றிக்காக நெறிகளைக் கைவிவிட்டுட்டு எடிசன் செய்த பகீர் செயல்களையும் விமர்சன நோக்கில் சுட்டிக் காட்டத் தவறவில்லை இந்த நூலின் ஆசிரியர் எஸ்.எல்.வி. மூர்த்தி

ஒவ்வொரு மாணவரும் ஒவ்வொரு பெற்றோரும் ஒவ்வொரு தொழில்முனைவோரும் தவற விடக் கூடாத நூல் இது.

ஆன்லைனில் வாங்க www.Swasambookart.com.

போன் மூலம் வாங்க: 81480 80118