Sign up to save your podcasts
Or
Share Swatte Löckers överall
Share to email
Share to Facebook
Share to X
Share to email
Share to Facebook
Share to X
Or
Swatte Löckers överall
Hebbt Ju dat ook mitkreegen? Düsse Week hebbt Forschers to’n ersten Mol ’n Swatted Lock fotografeert. Ganz swatt is dat Lock. Muttst di wunnern.
Un düssed Lock is bannig wiet wech vun de Eer, in’n ganz annere Galaxie. De Forschers hebbt ook vertellt, mit wat för’n grooten Opwand se dat Foto knipst hebbt, op dat so’n Lichtkring to sehn is. In’e Merrn vun dat Licht süht man nix. Dat is dat Lock. Dull!
Overs ick glööv, so’n grooten Opwand harrn se gor ni drieven musst. De harrn de Teleskope gor ni in’t All, sünnern eenfach op de Eer richen kunnt, denn mi dücht, dat dat hier in Europa jüst so’n swatted Lock gifft. In düssed Lock ward Dag un Nacht Geld rinschüffelt un goode Ideen un op’t Letzt‘ ook dat Vertruun vun de Börgers in de Politik.
Un jüst as bi de Swatten Löckers in’t Weltall, ut de je ni mol mehr Licht rutkümmt, kümmt ut düssed Lock in Europa ook nix mehr rut, wat dor erstmol bin sitt.
Jo, mi geistert mol weller de Brexit dör’n Kopp. Dat dat mit den Utritt vun de Briten ut de EU an 29. März nix warrn wurr, dat kunn man ook ganz ohn‘ Experten un Glaskugeln vörutsehn.
Vörgüstern hett Merkel seggt, dat se för’n „flexibeln Uttrittstermin“ is, wat den Brexit angeiht. Dat mutt man sick mol vörstelln.
Dorbi weet doch intwüschen jedet Kind, dat in de Politik blots noch een Sook flexibel is, un dat is dat Ümsetten vun de Verspreeken, de uns vör jede Wohl mokt ward.
Bi düssen Brexit harrn se nu to Utnohm mol ’n ganz eenfachen Opdrag vun’t Volk, den se ümsetten schulln. Un zack stellt sick rut, dat se ni ümsetten künnt oder wüllt, wat dat Volk wählt hett. Demokratie weer güstern veellicht mol. Hüüt is Kaspertheoter in Hollywood-Format.
Mi fallt in düsse Doog jümmers weller wat in, wat Volker Pispers mol seggt hett: Wenn man glöövt, dat Volksvertreders dat Volk vertreden doht, denn glöövt man ook, dat Zitroonfalters Zitroon falten doht.
Mi dücht, ick mutt mi langsom mol ’n anner’d Hobby sööken. Dat mach man sick je ni mehr mit ankieken. Vellicht köff ick mi bilütten ook ’n Teleskop...
In düssen Sinn
View all episodes
By Heiko KrollHebbt Ju dat ook mitkreegen? Düsse Week hebbt Forschers to’n ersten Mol ’n Swatted Lock fotografeert. Ganz swatt is dat Lock. Muttst di wunnern.
Un düssed Lock is bannig wiet wech vun de Eer, in’n ganz annere Galaxie. De Forschers hebbt ook vertellt, mit wat för’n grooten Opwand se dat Foto knipst hebbt, op dat so’n Lichtkring to sehn is. In’e Merrn vun dat Licht süht man nix. Dat is dat Lock. Dull!
Overs ick glööv, so’n grooten Opwand harrn se gor ni drieven musst. De harrn de Teleskope gor ni in’t All, sünnern eenfach op de Eer richen kunnt, denn mi dücht, dat dat hier in Europa jüst so’n swatted Lock gifft. In düssed Lock ward Dag un Nacht Geld rinschüffelt un goode Ideen un op’t Letzt‘ ook dat Vertruun vun de Börgers in de Politik.
Un jüst as bi de Swatten Löckers in’t Weltall, ut de je ni mol mehr Licht rutkümmt, kümmt ut düssed Lock in Europa ook nix mehr rut, wat dor erstmol bin sitt.
Jo, mi geistert mol weller de Brexit dör’n Kopp. Dat dat mit den Utritt vun de Briten ut de EU an 29. März nix warrn wurr, dat kunn man ook ganz ohn‘ Experten un Glaskugeln vörutsehn.
Vörgüstern hett Merkel seggt, dat se för’n „flexibeln Uttrittstermin“ is, wat den Brexit angeiht. Dat mutt man sick mol vörstelln.
Dorbi weet doch intwüschen jedet Kind, dat in de Politik blots noch een Sook flexibel is, un dat is dat Ümsetten vun de Verspreeken, de uns vör jede Wohl mokt ward.
Bi düssen Brexit harrn se nu to Utnohm mol ’n ganz eenfachen Opdrag vun’t Volk, den se ümsetten schulln. Un zack stellt sick rut, dat se ni ümsetten künnt oder wüllt, wat dat Volk wählt hett. Demokratie weer güstern veellicht mol. Hüüt is Kaspertheoter in Hollywood-Format.
Mi fallt in düsse Doog jümmers weller wat in, wat Volker Pispers mol seggt hett: Wenn man glöövt, dat Volksvertreders dat Volk vertreden doht, denn glöövt man ook, dat Zitroonfalters Zitroon falten doht.
Mi dücht, ick mutt mi langsom mol ’n anner’d Hobby sööken. Dat mach man sick je ni mehr mit ankieken. Vellicht köff ick mi bilütten ook ’n Teleskop...
In düssen Sinn
More shows like De Döschkassen
View all
NDR - Hör mal 'n beten to
4 Listeners
Eine Stunde History - Deutschlandfunk Nova
104 Listeners
LANZ & PRECHT
345 Listeners
NDR 2 - Frühstück bei Stefanie
6 Listeners