Die Minister van Sport, Kuns en Kultuur, Nathi Mthethwa, sê alle sportliggame en -klubs sal 'n beampte moet aanstel wat moet toesien dat daar aan gesondheidsmaatreëls voldoen word. Mthethwa het in Pretoria aangekondig dat alle professsionele sportlui weer kan begin oefen, onder meer rugby-, krieket-, en sokkerspelers. Nie-kontaksport soos atletiek, krieket, tennis, swem en gholf kan weer meeding, maar sonder toeskouers. Streng veiligheidsmaatreëls sal van krag wees. Jody Hendricks praat met Alan Fritz van Swem SA oor hoe COVID-19 hulle geraak het.