في زمن صار فيه الهاتف الذكي حاضر بكل لحظة من حياة الطفل، بيطلع سؤال مقلق:

شو بقي من دور الأهل؟ ووين بتنتهي التربية… وتبدأ الخوارزميات؟

في هذه الحلقة من صوت التِك نفتح ملف العلاقة المركّبة بين الأطفال، الشاشات، وشبكات التواصل الاجتماعي.

نناقش كيف أثّر الاستخدام المكثّف للهواتف والإنترنت على التربية، بنية العائلة، وأنماط التواصل داخل البيت، بعيدًا عن النقاش الصحي البحت، ونقرب أكثر على الأبعاد الاجتماعية والقيمية.

مع ضيفتنا رباب قربي، نحكي عن مخاوف الأهل في عالم مليء بالمحتوى المفتوح، المجموعات، والتواصل الخاص، خصوصاً في فترات العطل الطويلة.

نتوقف عند قضايا حسّاسة مثل التنمّر الرقمي، التعرّض لمحتوى ضار، والتواصل مع جهات غير معروفة، ونسأل: هل هذه السلوكيات مختلفة عن شو كان موجود خارج الإنترنت، أم أن الشبكة ضاعفت حدّتها وخطورتها؟

بنحاول كمان نفهم:

كيف يمكن للأهل إدارة الحوار الدائم مع أبنائهم حول الاستهلاك المفرط للتقنيات؟

كيف نبني تواصل آمن يوازن بين الحماية والثقة؟

وما الدور الحقيقي للأهل في عالم تتحكم فيه الخوارزميات بما يراه الطفل ويستهلكه؟

حلقة تربوية، واقعية، ومهمّة للأهالي والمربين بنحاول نلاقي فيها توازن بين المنع الكامل… وترك الطفل وحده في الفضاء الرقمي.

=============

لا تنسوا تفعيل زر الاشتراك في تطبيق البودكاست لتصلكم حلقات صوت التِك الأسبوعية.

للملاحظات والاقتراحات: ⁠[email protected]

قناة التليجرام: ⁠https://t.me/sowteltech⁠

صوت التِك، بودكاست تقني من إنتاج “راديو الناس”، الناصرة.

في عالم الرياضة الاحترافية اليوم، الفوز ما عاد يعتمد بس على الموهبة واللياقة… بل على البيانات، الخوارزميات، والقرارات الذكية.

من طريقة تدريب اللاعبين، لاختيار التشكيلة، وحتى تجربة المشجّع في المدرجات وأمام الشاشة—التكنولوجيا صارت لاعب أساسي في الملعب.

بهالحلقة من صوت التِك بنفتح ملف الثورة التكنولوجية في الرياضة، ونسأل:

كيف غيّرت التحليلات المتقدمة والذكاء الاصطناعي طريقة اللعب في أعلى مستوى بالعالم؟

وهل البيانات قادرة فعلاً تقلب نتائج مباريات وتغيّر مسار فرق كاملة؟

ضيفنا في هذه الحلقة:

سامر جسار وهو مدير البيانات والاستراتيجية في نادي NBA

مع سامر نحكي عن رحلته من لاعب محترف، إلى مواقع صنع القرار في واحد من أعرق أندية الـ NBA، ونسمع قصص حقيقية عن لحظات تم فيها تغيير تكتيك أو تشكيلة اعتمادًا على تحليل بيانات والنتائج كانت مفاجِئة.

نناقش كمان كيف أثّرت الأدوات الرقمية والـ AI على تدريب اللاعبين، إدارة الأداء، وتفاعل المشجعين مع فرقهم.

بنقارن التجربة العالمية بالمشهد الرياضي في العالم العربي:

وين الفجوات؟ شو العوائق؟ وهل في فرصة حقيقية للحاق أو حتى القفز على هذا الفارق؟

وفي الختام، يشاركنا سامر نصائح عملية للمدربين والرياضيين الشباب، ونظرة مستقبلية للتدريب الرياضي خلال السنوات القادمة:

هل الذكاء الاصطناعي راح يقود اللعبة؟ أم تظل الخبرة البشرية هي العنصر الحاسم؟

=============

لا تنسوا تفعيل زر الاشتراك في تطبيق البودكاست لتصلكم حلقات صوت التِك الأسبوعية.

للملاحظات والاقتراحات: ⁠[email protected]

قناة التليجرام: ⁠https://t.me/sowteltech⁠

صوت التِك، بودكاست تقني من إنتاج “راديو الناس”، الناصرة.

في عالم يتغيّر بسرعة غير مسبوقة، ومع دخول التكنولوجيا والذكاء الاصطناعي إلى كل تفاصيل حياتنا، نرى أنفسنا نسأل "السؤال الكبير":
هل الجيل القادم مقبل على مستقبل أعدل وأكثر تفاؤلاً … أم أن الفجوات القائمة اليوم باتت تكبر؟

في هذه الحلقة من صوت التِك نتحدث عن الفجوة الرقمية ولكن بدون "شعارات"، بل كواقع يومي يمر بين المدارس، السلطات المحلية، الوزارات، ومراكز الشباب.
نناقش كيف تبدو الفجوة الرقمية بين المجتمعين العربي واليهودي اليوم: هل فعلاً تتقلص؟ أم أنّ التكنولوجيا تعيد إنتاج اللامساواة بشكل جديد؟

من كواليس المؤسسات التعليمية والحكومية، نحاور د. يعقوب غنايم عن دور صناع القرار غير المتمكنين رقمياً، وكيف من الممكن أن نبنِ سياسات تقنية تخدم الشباب فعلاً.
ونتساءل أيضاً: هل التقنية ضرورة لكل طالب؟ أم فقط للراغبين في دخول عالم الهايتك؟
وما البدائل التقنية الممكنة أمام الشباب والشابات العرب خارج المسار التقليدي؟

حلقة واقعية، تربوية، ومستقبلية عن التقنية كفرصة… وكمسؤولية جماعية.

=============
لا تنسوا تفعيل زر الاشتراك في تطبيق البودكاست لتصلكم حلقات صوت التِك الأسبوعية.
للملاحظات والاقتراحات: ⁠[email protected]⁠
قناة التليجرام: ⁠https://t.me/sowteltech⁠

صوت التِك، بودكاست تقني من إنتاج “راديو الناس”، الناصرة.

من علوم الحاسوب إلى البيولوجيا وتحليل البيانات الضخمة، ومن كتابة الأكواد إلى بناء منظومات ذكاء اصطناعي معقّدة… في هذه الحلقة من صوت التِك نغوص في قلب الصناعة التي تعيد تعريف البرمجة، الإبداع، وحتى دور الإنسان نفسه.

نتحدث عن الذكاء الاصطناعي من زاوية الشخص الذي يبنيه:
كيف يرى صانِعو هذه الأنظمة تقبّل الناس السريع لها؟كيف يمكن للمبرمجين الاستفادة من نماذج اللغة الكبيرة (LLMs) دون أن يفقدوا مهاراتهم البشرية؟
وهل الإبداع البرمجي مهدد… أم أنه يدخل مرحلة جديدة أكثر احترافية؟

نفتح ملف الوكلاء الذكيين (AI Agents) والـ Multi-Agent Systems:
كيف تعمل؟ هل فعلاً قادرة على تنفيذ مهام معقّدة بشكل مستقل؟ وما الذي يعنيه هذا لمستقبل العمل، اتخاذ القرار، والمسؤولية؟

ونتوقف عند أسئلة حسّاسة، مثل: حماية البيانات، منع تنفيذ أوامر خطيرة، الحوكمة والأخلاقيات في عالم الـ AI، وكيف يمكن للفرق التقنية تظل مواكبة للتطور السريع دون أن تنحرف عن المعايير العلمية.

وفي الختام، نطرح السؤال الكبير:
إذا أصبحت الوكلاء AI Agents تقوم بكل المهام اليومية، هل هذا يخدم مجتمعات "مستضعفة" مثل المجتمع العربي؟ أم يخلق فجوة جديدة بين من يملك التقنية… ومن يُستهلكها؟

حلقة عميقة، تقنية، وفلسفية عن المستقبل الذي صار أقرب مما نتخيّل.

=============
لا تنسوا تفعيل زر الاشتراك في تطبيق البودكاست لتصلكم حلقات صوت التِك الأسبوعية.
للملاحظات والاقتراحات: ⁠[email protected]⁠قناة التليجرام: ⁠https://t.me/sowteltech⁠

صوت التِك، بودكاست تقني من إنتاج “راديو الناس”، الناصرة.

في فترة قصيرة قلب الذكاء الاصطناعي حياتنا رأسًا على عقب… ولسّه ما استوعبنا أدوات الذكاء الاصطناعي الحالية، حتى دخل DeepSeek بقوة وفتح باب جديد: كسر الهيمنة الأمريكية على سوق الـAI، ودخول الصين لاعب ثقيل بسعر منخفض وخيارات مختلفة تمامًا للمستخدمين.

بهالحلقة من "صوت التِك" بنحكي عن:

• شو عمل DeepSeek بالضبط؟ وهل هو قفزة نوعية فعلًا ولا مجرد ضجة جديدة؟

• كيف ممكن تتغيّر خريطة القوى بين أمريكا والصين في مجال الذكاء الاصطناعي، ومع أي تبعات أخلاقية وقيمية علينا كمستخدمين؟

• هل شركات مثل OpenAI و NVIDIA بالفعل مهددة؟ وكيف ممكن ترد على الحوت الصيني الجديد غير بحملات تخويف و"سبين" إعلامي؟

• مستقبل أدوات الذكاء الاصطناعي في حياتنا اليومية، وكيف راح تتغيّر طريقة استخدامنا للتقنية في السنوات الجاية.

• تحديات اللغة العربية، ولماذا لا تزال عقدة في نماذج الذكاء الاصطناعي، رغم كل التقدم.

• الفجوة بين حجم الاستثمارات في العالم العربي، وقلة المنتجات الفعلية الخارجة منه.

عشان نحكي عن كل هذا من قلب التجربة، استضفنا:عوني بنا

• Co-Founder & CBO في Hamsa AI

• مؤسس شريك في شركة التقنية Nadsoft

• مبادر تكنولوجي واجتماعي مع خبرة طويلة، ونائب رئيس بلدية الناصرة سابقاً

مع عوني بنغوص في كواليس بناء ستارت-أب ذكاء اصطناعي عربي، التحديات اللي تواجه الشركات الناشئة في هذا القطاع، والاتجاهات اللي راح ترسم ملامح العواصف القادمة في عالم الـAI.

=============لا تنسوا تفعيل زر الاشتراك في تطبيق البودكاست عشان توصلكم حلقات صوت التِك الأسبوعية.للملاحظات والاقتراحات: ⁠⁠[email protected]⁠⁠قناة التليجرام: ⁠⁠https://t.me/sowteltech⁠⁠

صوت التِك، بودكاست تقني من إنتاج “راديو الناس”، الناصرة.

في زمن صار فيه أول ردّة فعل الصبح عنا هي تصفح هواتفنا الذكية، شبكات التواصل ما عادِت بس ترفيه وأخبار، بل مساحة يتشكّل فيها رأينا السياسي، علاقاتنا، وحتى صورتنا عن حالنا. الخوارزميات بتقرر شو نشاهد، مين ننكشف له، وأحيانًا مين ينقمع صوته.

بهالحلقة من "صوت التك" نسأل:هل ما زال ممكن نعيش خارج شبكات التواصل؟

هل الإنترنت فعلًا مساحة حرة أم فيها "اضطهاد خوارزميات" ضد الأقليات؟

كيف بيحاول المستخدمون العرب الالتفاف على التعتيم الرقمي؟

وليش الميمز صارت أداة نقد سياسي واجتماعي مش بس نكتة عابرة؟

لهيك استضفنا: د. سلافة زيداني
باحثة في ثقافة الإعلام الرقمي والإعلام المدني العالمي، حاصلة على دكتوراه في الاتصال من جامعة كاليفورنيا الجنوبية، ومحاضِرة في قسم علوم الاتصال في جامعة نورث وسترن، ومتخصصة في دراسة شبكات التواصل بعدة لغات.

مع د. سلافة نحكي عن خصوصية التجربة العربية أونلاين، أثر الخوارزميات على الاستقطاب والمجتمعات، وحدود "حريتنا" كمستخدمين بين الوعي.. وبين كوننا مادة خام لآلة الربح.

=============لا تنسوا تفعيل زر الاشتراك في تطبيق البودكاست عشان توصلكم حلقات صوت التك الأسبوعية.للملاحظات والاقتراحات: ⁠[email protected]⁠قناة التليجرام: ⁠https://t.me/sowteltech⁠

صوت التك، بودكاست تقني من إنتاج “راديو الناس”، الناصرة.

في زمن الذكاء الاصطناعي، حتى مهنة "مدقق الحسابات" بطلت زي زمان.

اليوم الأرقام مش بس بتنحط في دفاتر ، بتفوت على خوارزميات، بوابات البيانات، وتطبيقات بتحليل المخاطر وبتكشف فرص جديدة.

بهالحلقة من بودكاست صوت التك بنحكي عن التحوّل من دفتر الحسابات التقليدي لعالم الأدوات الرقمية والـ AI:

كيف تغيّر دور مدقق الحسابات؟

ليش كثير موظفين، خصوصًا من عالم الهايتك، صاروا يفكروا يفتحوا مشاريعهم الخاصة؟

وكيف ممكن رواد الأعمال العرب يستغلوا هالأدوات بدل ما يخافوا منها؟

وعشان نفهم الصورة من أرض الواقع، استضفنا:

مصطفى محاجنة – مدقق حسابات Econext، مراقب حسابات وخبير إدارة أعمال،  مدير فرع أم الفحم والمنطقة - وكالة المصالح التجارية الصغيرة والمتوسطة: معوف، عمل في شركة EY العالمية في قسم الأبحاث والتدقيق، خريج جامعة تل أبيب، خريج كلية هارفارد للأعمال (HBS).

مع مصطفى فتحنا ملفات:

المخاطر اللي بتواجه المشاريع الناشئة،

كيف نقرأ السوق، من وين نبدأ بالتمويل،

وشو الخدمات اللي بتقدمها "معوف" لكل المبادرين إللي حابين يعملوا قفزة مدروسة نحو الاستقلالية.

وفي النهاية، أعطانا نصائح مباشرة لكل حدا بفكّر يبني مشروع تقني ناشئ ناجح.

=============

لا تنسوا تفعيل زر الاشتراك في تطبيق البودكاست عشان توصلكم حلقات "صوت التك" الأسبوعية.

لملاحظاتكم واقتراحاتكم: ⁠([email protected])

أو عبر قناة التليجرام الخاصة: (https://t.me/sowteltech⁠)

صوت التك، بودكاست تقني من إنتاج “راديو الناس”، الناصرة.

تعلم علوم الحاسوب تحديدا بمر بتحدي مش هوين مع هيمنة أدوات الذكاء الاصطناعي خلال التعليم .. وخلال العمل ما بعد ..

وهون بتصير الأسئلة اللي بتطرح حالها إجبارية: هل الشهادة الجامعية بعدها إلها قيمة؟ كيف ممكن الطالب يستغل هاي الأدوات الخارقة لصالحه مش ضده؟ وهل دور الأستاذ رح يضل موجود أصلًا؟ كلها أسئلة صارت جزء من حرب أهلية بعالم التعليم التقني.

بالزبط، هو فخ! فخ ذكي بيكشف مين عنجد بشتغل ومين بس بنسخ وبلصق. لكن الفخ الأكبر هو إنه نتخرج من الجامعة واحنا معتمدين كليًا على أدوات بتخلينا ضعاف بسوق العمل الحقيقي.

عشان نفهم القصة من كل جوانبها، جبنالكم حدا واقف بنص العاصفة. هو باحث ومحاضر بالجامعة بعطي وظايف لطلابه وبيعرف تمامًا كيف بفكروا ، وبنفس الوقت هو مدير ومؤسس شركة ناشئة بحاجة لموظفين عندهم مهارات حقيقية وعميقة، بحاجة يكونوا مع مهارات ومش بس علامات.

حكينا معه عن مستقبل التعليم العالي بعصر الذكاء الاصطناعي، وعن الطريق الصح اللي لازم نسلكه عشان ما نضيع بين راحة التكنولوجيا وأهمية المعرفة الحقيقية.

استمعوا للحوار الذي يستضيف من خلاله المدوّن التقني أنس أبو دعابس، ضيف الحلقة محمد ابراهيم مجادلة - محاضر في مجال الذكاء الاصطناعي، وركّز بشكل خاص على معالجة اللغة الطبيعية (NLP). على وشك انهاء اللقب الثالث في علوم الحاسوب من جامعة بن غوريون في النقب. يشغل أيضًا دور مستشار في تعلم الآلة لعدد من الشركات الناشئة ويساعدها على الاستفادة من تقنيات تعلم الآلة في تطوير منتجاتها وخدماتها. مؤسس شريك ومدير التطوير التقني في TripleDeep، ساهم في تطوير المجال أكاديميًا وعمليًا من خلال أبحاثه وتدريسه.

============

لا تنسوا تفعيل زر الاشتراك الموجود في تطبيقكم تصلكم حلقاتنا الأسبوعية مع الضيوف والمواضيع التقنية.

لملاحظاتك واقتراحاتكم: [email protected]

أو عبر قناة التليجرام الخاصة: https://t.me/sowteltech

صوت التك، بودكاست تقني من انتاج “راديو الناس”، الناصرة

مؤخرًا طلع مصطلح جديد اسمه "FemTech" أو تكنولوجيا المرأة، وهو مش مجرد تطبيقات لونها زهري، إنما ثورة كاملة بمجالات الصحة والابتكار والاستثمار، هدفها تسد فجوة تاريخية وتعطي صحة المرأة الأولوية اللي بتستحقها.

هاي التكنولوجيا بتشمل كل مراحل حياة المرأة: من صحة الخصوبة والحمل والولادة، وحتى التجميل ونوع المييك-أب اللازم. بنحكي عن أجهزة ذكية بتراقب صحة الجنين، وعن ذكاء اصطناعي بقدر يساعد بتشخيص أمراض مثل سرطان الثدي أو بطانة الرحم المهاجرة بوقت أبكر، وعن منصات بتقدم دعم نفسي متخصص للأمهات الجداد، وحتى عن حلول ولو جزئية بتساعد الأمهات في غزة في ظل غياب سبل العناية الشخصية بفترة الحرب والحصار. القصة أكبر بكثير من تطبيق على الموبايل، هي إعادة رسم للخريطة الصحية كلها، وما بعد.

عشان نفهم القصة من كل جوانبها، جبنالكم بهالحلقة من "صوت التك" محامية ومبادرة من قلب المجال. أسست أول منصة عربية لتطوير مبادرات تكنولوجية للنساء، وبتشتغل يوميًا على تقاطع القانون، التكنولوجيا، والذكاء الاصطناعي الأخلاقي. رح نحكي معها عن التحديات، الفرص المتاحة بمجتمعنا، وكيف ممكن التكنولوجيا عنجد تحسن حياة كل امرأة فينا.

استمعوا للحوار الذي يستضيف من خلاله المدوّن التقني أنس أبو دعابس، ضيفة الحلقة نسرين مصاروة عودة - مؤسسة مشروع انوثتِك - المنصة العربية لتطوير مبادرات تكنولوجية للنساء، محامية في مجال القانون التجاري وحماية البيانات في مكتب محاماة، مؤسسة مكتب  NMO Legal لتقديم المرافقة القانونية بمجال الخصوصية، حماية البيانات والذكاء الاصطناعي الأخلاقي Ethical Artificial Intelligence، كمان أنها حاصلة على لقب أول في القانون من الجامعة العبرية بالقدس، لقب ثاني بالقانون، التكنولوجيا والابتكار بتفوّق و certified  data protection officer (DPO).

============

لا تنسوا تفعيل زر الاشتراك الموجود في تطبيقكم تصلكم حلقاتنا الأسبوعية مع الضيوف والمواضيع التقنية.

لملاحظاتك واقتراحاتكم: [email protected]

أو عبر قناة التليجرام الخاصة: https://t.me/sowteltech

صوت التك، بودكاست تقني من انتاج “راديو الناس”، الناصرة

التدريب على الذكاء الاصطناعي ما عاد "كماليّة" أو "ترف تقني"… اليوم، هو مسألة أمن قومي، ومستقبل اقتصادي. بحسب تقرير المنتدى الاقتصادي العالمي لعام 2024، أكثر من 60% من الشركات العالمية بدأت فعليًا بإعادة تأهيل موظفيها ليواكبوا التحوّل اللي جاي من الذكاء الاصطناعي. الصين استثمرت مليارات في مبادرات وطنية للتدريب على AI، والاتحاد الأوروبي أطلق برنامج مختص بمجال الذكاء الاصطناعي خلال السنوات الجاي.

بريطانيا أعلنت رسميًا عن إدخال مناهج تعليم AI في المدارس الإعدادية. والإمارات من جهتها، أطلقت وزارة خاصة بالمجال، وتقوم ببناء مراكز تدريب في كل إمارة تقريبًا، مع برامج مفتوحة للشباب والمهنيين.

وبين كل هذه الأرقام والاستراتيجيات، السؤال الحقيقي بيظل: إحنا وين من كل هذا؟

هل رح نضل نراقب من بعيد؟ ولا راح نلحق وندخل، خطوة ورا خطوة، بهدوء وثقة؟

لهيك، حلقتنا اليوم مش بس حوار، هي دعوة للاستعداد. لأن اللي بيبدأ يتعلم اليوم، هو اللي رح يقود بكرا. بهالعدد من "صوت التك"، جبنالكم من قلب الصناعة، مطور وخبير ما اكتفى إنه يسبح بالعميق لحاله، لأ، راح وأسس نادي كامل عشان يعلّم مجتمعنا العربي فنون السباحة بمحيط الذكاء الاصطناعي. رح نفهم معه كيف نلحّق الركب، وشو أهم المهارات اللي لازم نكتسبها، وكيف ممكن نحول هذا الشعور بالقلق لقوة وفرصة عنجد.

استمعوا للحوار الذي يستضيف من خلاله المدوّن التقني أنس أبو دعابس، ضيف الحلقة محمد العيسوي - مهندس برمجيات مختص في مجالات الذكاء الاصطناعي وخرّيج علوم حاسوب برتبة شرف. المؤسّس والمطوّر لاضافة ChatGPT Toolbox. مؤثّر ايجابي على السوشيال ميديا، يركّز على إتاحة محتوى الذكاء الاصطناعي باللغة العربيّة وبأسلوب عصري وشيّق.

============

لا تنسوا تفعيل زر الاشتراك الموجود في تطبيقكم تصلكم حلقاتنا الأسبوعية مع الضيوف والمواضيع التقنية.

لملاحظاتك واقتراحاتكم: [email protected]

أو عبر قناة التليجرام الخاصة: https://t.me/sowteltech

صوت التك، بودكاست تقني من انتاج “راديو الناس”، الناصرة