Osasun fisikoa bezain garrantzitsua da buruko osasun aparta izatea kirolean. Eta horri heldu dio adarretatik Mikel Astarlozak "Tandema" podcastaren 8. atalean. Gaian erabat jantzia den Aritz Olagoi kirol psikologoarekin izandako solasaldian txirrindulariek izaten dituzten gora-beherak nola kudeatzen dituzten argitu du Olagoik: konzentrazioa, konfidantza, taldean duen lekua, jarri dizkioten helburak, denak landu litezke, "beti ere, txirrindulariak nahi badu eta bere parte hartze aktiboarekin".Gero eta kirolari gazteagoak izaten dituztela ere onartzen du Olagoik, eta horren zergatiez ere aritu dira Mikel Astarloza eta biak."Tandema" podcastaren gidaria Mikel Astarloza txirrindulari dugu eta astez aste aditu bat izango du gonbidatu gurpil gainekoaz aritzeko.

Txirrindularia eta fisioterapeuta da Usoa Ostoloza zarauztarra, eta Mikel Astarlozaren gonbidatua izan da "Tandema" podcastaren zazpigarren atalean.Gorputza entzuten jakitearen garrantzia nabarmendu du kirolari gazteak, "gorputzak gelditzeko eskatzen dizuenean entzun egin behar baitzaio". Hobe dela geratu eta ondo errekuperatzea gomendatu du Ostolazak, eta ez lesio bat eta bestearen bilduma egiten ibiltzea.Miguel Indurainen sekretuetako bat izan omen zen arerioek baino ordubete gehiago lo egitea. Gaueko atsedenaz eta deskonexio digitalaz ere aritu dira Mikel Astarloza eta biak atalean zehar."Tandema" podcastaren gidaria Mikel Astarloza txirrindulari dugu eta astez aste aditu bat izango du gonbidatu gurpil gainekoaz aritzeko.

Garai batean flakiak jota txirrindulari askoz ere gehiago ikusten ziren lasterketa handietan. Eta hori zergatik den aztertu du Mikel Astarlozak "Tandema" podcastaren seigarren atalean. Horretarako, Aritz Bagues, Caja Rural taldeko zuzendaria, eta Aitor Zabaleta, dietista gonbidatu ditu. Biek dakite zer den "bizikleta gainean indarrik gabe geratzea", eta hori gaur egun ez da gertatzen "orduro 80 eta 120 gramo karbohidrato" artean hartzen dituztelako txirrindulariek.Hala eta guztiz ere, txirrindulariak entrenamenduetan "probak egitea komeni" dela nabarmendu diote Astarlozari eta hartara, gorputzak egoera berezietan nola erantzuten duen ikus litekeelako.Aholku onak emango dizkizute."Tandema" podcastaren gidaria Mikel Astarloza txirrindulari dugu eta astez aste aditu bat izango du gonbidatu gurpil gainekoaz aritzeko.

Ez da erraza 120 urtetako historian zehar gertatutakoa podcast honetako atal bakarrean laburbiltzea, baina Mikel Astarlozak aurkitu du horretarako lagun aproposa, Ander Izagirre kazetari eta idazlea."Beruna patrikan" (2015) liburuan jasotako hainbat pasarte ahoz kontatu dizkio Astarlozari eta irabazle, galtzaile, poz, tristura, haserre, iruzur, basakeria eta lorpenez betetako historiak partekatu ditu berarekin "Tandema" podcastaren atal honetarako.Frantziako Tourrak gaur egun ere Izagirrerentzat izaten jarraitzen duen erakargarritasuna ez dio ezkutatu, eta memorian iltzatutako euskal txirrindulari batzuen lorpenak gogoratzeko."Tandema" podcastaren gidaria Mikel Astarloza txirrindulari dugu eta astez aste aditu bat izango du gonbidatu gurpil gainekoaz aritzeko.

Urte askotako eskarmentua duen txirrindulari ohia da Ainhoa Ostolaza eta bere esperientzia bildu du Mikel Astarlozak, "Tandema" podcastaren 4. atalean.Gauzak asko aldatu badira ere, emakumezkoen txirrindularitzan "oraindik bide luzea dagoela hobetzeko" nabarmendu du Ostolazak. Atzera begira jarrita "guk jasan ditugunak gaur egun ez liratekeela onartuko" dio, baina zorionez, emakumezkoen egoera beste maila eta egoera batean dagoela uste du, eta "emakume potenteak datozela" belaunaldi berrietan. Zaleentzat ere utzi nahi izan du mezua: "Oso kirolari onak ikusiko dituzue, eta atera errepidera animatzera"."Tandema" podcastaren gidaria Mikel Astarloza txirrindulari dugu eta astez aste aditu bat izango du gonbidatu gurpil gainekoaz aritzeko.

Kalkulagailua eskuetan hartuta ibili behar izan du Mikel Astarlozak "Tandema" podcastaren hirugarren atalean Haimar Zubeldia gonbidatuarekin. Izan ere, 20 urte eman ditu txirrindulari profesional bezala usurbildarrak, eta 16 Frantziako Tour egin ditu. Bakoitzean "deskantsu egunak kontuan hartuta 23 egunez aritu" zen, alegia, bere bizitzako urte oso bat pasatxo. Eta oroitzapenak, berriz, milaka. Horietako batzuk partekatu ditu gaur Astarlozarekin.Bide batez, euskaldunen artean hanketan Tour gehien dituen lagunarekin aztertu ditu aurtengo ibilbidea eta txirrindularien aukerak. "Porrak" egiteko garaian kontuan hartzekoak denak."Tandema" podcastaren gidaria Mikel Astarloza txirrindulari dugu eta astez aste aditu bat izango du gonbidatu gurpil gainekoaz aritzeko.

Txirrindulariarentzat tresnarik garrantzitsuena izan ohi da bizikleta, eta norberak berea asko maitatzen duela jakina bada ere, taldeetako mekanikoek adina mimo inork gutxik ematen dizkie.Jon Iturria, eskarmentu handiko mekanikoa gonbidatu du Mikel Astarlozak "Tandema" podcastaren bigarren atalean. Beraien eguneroko lanaz hitz egiteaz gain, itzuli handietan izaten dituzten zereginen berri emateaz gain, bizikleta bat nola zaindu, edo erostera joatean zer kontutan hartu behar den argitu dio Iturriak Astarlozari. Eta zalantza bat argitu dio: mekanikoak bizikletari hitz egiten ote dio?"Tandema" podcastaren gidaria Mikel Astarloza txirrindulari dugu eta astez aste aditu bat izango du gonbidatu gurpil gainekoaz aritzeko.

Patxi Vila, Movistar taldeko errendimendu arduraduna da eta Mikel Astarlozak bera gonbidatuz abiatu nahi izan du "Tandema" izeneko podcastaren lehenengo atala.Edozein txirrindulari itzuliren aurretik egiten den prestakuntzak emaitzetan zerikusi handia duela uste du txirrindulari ohiak. "Lanaren aurrean daukazun jarreraren" garrantzia nabarmentzeaz gain, prestakuntza nola egiten den, itzuliak irauten duen bitartean kirolariari zer jarraipen egin, eta errendimendu egokia lortzeko sekretu eta gogoetak partekatu ditu Vilak elkarrizketan zehar.Eta galdera garrantzitsu bati erantzun dio: entrenamenduetan kafea hartzeko geldialdirik bai ala ez?"Tandema" podcastaren gidaria Mikel Astarloza txirrindulari dugu eta astez aste aditu bat izango du gonbidatu gurpil gainekoaz aritzeko.

Bizikleta gainean eta txirrindulari eta txirrinduzaleen alboan dagoen Mikel Astarloza txirrindulari ohia da podcast honetako gidaria. Prestatzaile eta aholkulari gisara ere eskarmentua duen pertsona.Gurpil gainean joateko "Tandema" aukeratu du kasu honetan. Astez aste izango du aditu bat, gurpil gainekoaz aritzeko. Zuretzat ere bada lekua bertan.Igo nahi?