OPEN HEAVENS

MATALA LE LAGI MO LE ASO TOFI 1 IANUARI 2026

(tusia e Pastor EA Adeboye)

Manatu Autu:  Tatalo mo le 2026 (Prayers for 2026)

Tauloto Tusi Paia: Salamo 65:9 “Ua e asiasi i le lau‘ele‘ele ma e fa‘asūsūina lava; ‘ua e fa‘alafulemūteleina ai; o le vaitafe o le Atua ‘ua tumu i le vai; ‘ua e saunia a latou saito ‘ina ‘ua fa‘apea ‘ona e sauni i ai.”

‭‭

Faitauga - Tusi Paia: Kenese 41:47-49

Tatalo

1. Tamā, ou te faafetai ia te oe, i lou aumaia o a’u i le 2026. Ou te faafetai i mea uma ua e faia mo a’u, ma lo’u aiga, o a’u uo i lenei tausaga atoa 2025. 
2. Tamā, faamolemole fesoasoani mai ia te a’u ia ou alofa ia te oe e sili atu muamua i lenei tausaga fou. Faamolemole fesoasoani mai ia te a’u ia avatu le faamuamua ia te oe i so’o se vaega o lo’u olaga ma ia liaina ese soo se mea e te lei totoina ia te a’u, i le suafa o Iesu. 
3. Le Alii e, faamolemole fesoasoani mai ia te a’u ia ou faamaoni ia te oe i lenei tausaga. Fesoasoani mai ia te au ia ou auauna ia te oe ma lo’u loto atoa ma lo’u agaga atoa ma lo’u malosi atoa i le suafa o Iesu. 
4. Tamā, faamolemole ia faatonu lenei tausaga e alofaina a’u i soo se vaega o lou olaga. Faamolemole asiasi mai ia te au ma ē pele ia te a’u ma foai mai uaga ia faigofie mea uma, ia vave ma ia faulai i le suafa o Iesu. 
5. Le Alii e, faamolemole ia tatala le laueleele e aumaia fua lelei ia faulai mo a’u i lenei tausaga. Ia e faia ia ou fiafia i le taumasuasua i faamanuiaga i lenei tausaga atoa, i le suafa o Iesu. 
6. Le Alii e, faamolemole foai mai ia te au ma lou aiga le olioli e lē mafaitaulia i le tausaga toa. Faamolemole aua le faatagaina so’o se mea e oo mai ai le faanoanoa e latalata mai iai matou i le suafa o Iesu. 
7. Le alii e, faamolemole ia faateleina lau Ekalesia ma ia malosi i lenei tausaga. Faamolemole foai atu iai le manumalo i so’o se osofaiga a ona fili i lenei tausaga, i le suafa o Iesu. 
8. Tamā, faamolemole faatumu ia te a’u i le alofa mo le au matitiva ma e sauaina. Fai a’u ma auupega o le filemu, alofa tunoa ma faamafanafana iai latou i lenei tausaga, i le suafa o Iesu. 
9. Tamā, faamolemole fesoasoani mai ia te au e manumaloina agaga ia sili atu i lenei tausaga. E pei ona e folafola i lau upu, faamolemole faaaoga a’u e faatino ai meat etele i lenei tausaga, i le suafa o Iesu.
10. Tamā, faamolemole ia faataga folafolaga uma ua e faia mo a’u ia taunuu. Ia e faia ma faataunuu uma au folafolaga mo au i le suafa o Iesu. 
11. Tamā, fesoasoani mai ia te a’u ia ou savali i le poto i lenei tausaga. Faamolemole aumai ia te au le malamalama i lou finagalo ma saunia a’u ia ou savali ai i lona atoaga, i le suafa o Iesu. 
12. Tama ia atagia pea lou viiga i lo’u olaga, i le suafa o Iesu e tatalo atu ai nei, Amene.