Belangehebbendes in die visbedryf moet verantwoordelike visvangpraktyke bevorder, aangesien die sektor toenemende uitdagings in die gesig staar, sê visseryeminister Inge Zaamwani. Sy het Vrydag tydens die 19de jaarlikse Lüderitz-kreeffees kommer uitgespreek oor oorbevissing en klimaatsverandering. Zaamwani het beklemtoon dat samewerking noodsaaklik is om volhoubaarheid, voedselveiligheid en werkskepping te verseker, en gesê innovasie en moderne tegnologie is van kritieke belang in dié proses. Die minister het gevra vir groter waarde-toevoeging deur plaaslike verwerking en handelsmerkontwikkeling, en het die regering se verbintenis tot volhoubare ontwikkeling herbevestig.