Laurdag 19. oktober inviterer Valderøy kyrkje til temadag med fordjupning i stille bøn. Det er sjukehusprest og kurshaldar i Areopagos, Tor Magne Handeland, som skal halde temadagen. Temadagen vil innehalde tema som bøn som relasjon, om å fordjupe gudsrelasjonen og ulike aspekt ved sentrerande bøn. Sokneprest Gunnhild Roaldsnes Bremer fortel i eit intervju på Radio Sunnmøre, at dagen er for deg som lengtar etter meir stillheit og tid til å reflektere. Høyr heile intervjuet på Radio Sunnmøre.