Onnur í eini røð við trimum Eurythmics tema-sendingum í Plátubarrini, frá januar til ársenda í 2020. Útgávan Be Yourself Tonight var tann fyrsta ordiliga góða album-útgávan hjá bólkinum Eurythmics, sum við teimum trimum fyrstu hevði gjørt eins og nógvir aðrir tónleikarar tá; skrivað tvey hitt og so roynt at sett okkurt miðalgott saman til eina heila LP-plátu. Men hetta var nakað annað, eisini var tónleikurin broyttur til ein rokkstíl við Motown- og aðrari ávirkan, sum veruligir tónleikarar spældu. Synthpoppurin var lagdur á hyllina, tó hann framvegis spøkti í støðum.