Eisini When You're In Love with a Beautiful Woman varð tikið við á albumið, sjálvt um tað hevði verið á albuminum frammanundan í '78, Pleasure and Pain. Bretar keyptu Sometimes You Win inn á Top 15 á UK Albums Chart. Singleplátan Sexy Eyes var á amerikanska Top 5, og Better Love Next time var á amerikanska Top 15. Veruleikin var, at Dr. Hook samanborið við fyrstu árini, tá bólkurin bleiv kendur, seldi flest plátur í seinnu helvt av sjeytiárunum. Tí vóru ummælini ikki ein spegling av undirtøkuni millum manna.