Temporada 2 | Deborah ciencia

Dúas obras galegas para saber máis sobre o artista Richard Serra, creador de pezas monumentais. Razón: Deborah Ciencia e Juan Tallón.

Como afectan os sesgos e os prexuízos ideolóxicos á ciencia e á tecnoloxía?

Sábeo ben Deborah García Bello cada vez que publica un chío como @deborahciencia

con referencias exclusivamente científicas.

Que relación existe entre as manchas da pel e as manchas do plátano? Cóntacho Deborah Ciencia.

Como é posible que a moeda que homenaxea a Margarita Salas teña mal representada a molécula de ADN? Temos a comunidade científica indignada… Cóntacho Deborah Ciencia

As protestas do agro e a ciencia: transxénicos, tecnoloxía, normativa… Repaso ao detalle con Deborah Ciencia

Con Deborahciencia explicamos en que consiste o "triángulo de lume" que tanta influencia ten nos incendios. Tamén afondamos en como se producen as reaccións en cadea e nos diversos procedementos de extinción de lumes que existen.

A ciencia da fotografía e a experiencia na CICA (CICA - Centro Interdisciplinar de Química e Bioloxía da Universidade da Coruña) de Deborah García Bello.

Arte e investigación, man a man.

Como se calcula o día que cadra o Mércores de Cinsa? De que está feita a cinsa e que simboliza? As respostas, con Deborah ciencia.

Que diferenza hai entre o hidróxeno verde, o hidróxeno gris, o hidróxeno rosa ou hidróxeno branco... se é un gas incoloro? Déborah García Bello resolve as dúbidas sobre o elemento químico máis abondoso do Universo, o seu aproveitamento e o seu impacto no medio ambiente.

Hai uns días anunciouse unha colaboración entre a empresa química BASF e a téxtil ZARA na que conseguiron obter un novo material reciclado para fabricar pezas de roupa máis sostibles.

O material chámase " loopamid " (a tradución podería ser "bucle-amida") que é un exemplo de " upcycling " ou como reciclar un material de pouco valor e convertelo noutro máis valioso (algo que adoita ocorrer no outro sentido).

Con esta nova como percha, Deborah Ciencia falounos do impacto ambiental da moda, en que consiste a reciclaxe téxtil, en que consiste e como se fabrica a loopamida.

E moi importante, se se pode facer algo individualmente para contribuír a facer da moda algo sostible.