အနာဂတ် လှပဖို့က ကျွန်တော်တို့ ပေါ်မှာသာမူတည်နေတာဖြစ်ပါတယ်။ ကျွန်တော်တို့ရဲ့ အနာဂတ် လှပ ပြီး အောင်မြင်ချင်တယ် ဆိုရင်တော့မပျင်းမရိဘဲနဲ့ ကြိုးစားတတ်ဖို့ လိုပါတယ်။ ဒါတင်ပဲလားဆိုတော့ မဟုတ်သေးပါဘူး။ကြိုးစားခြင်းအပြင် အခြားသော လုပ်ဆောင်ရမယ့်အချက်တွေပါ လုပ်ဆောင်မှသာလျှင်အနာဂတ်ကလှပလာမှာပဲဖြစ်ပါတယ်။  အမှားကနေသင်ခန်းစာယူတတ်ခြင်း။ အမှားတွေဆိုတာ တစ်ချိန်လုံး ထွေးပိုက်ထားပြီးတမြေ့မြေ့နဲ့ နောင်တရနေရမယ့် အရာ မဟုတ်ပါဘူး။ အမှားတွေဆိုတာသည် တစ်ချိန်ချိန်မှာအောင်မြင်လာအောင် ကူညီပေးမယ့်အရာတစ်ခုဖြစ်ပါတယ်။ အမှားထဲကနေ သင်ခန်းစာယူတတ်မယ်ဆိုရင်တော့ ကျွန်တော်တို့အတွက်ပါပဲ။ အောင်မြင်ချင်သူတိုင်းက ထိုအမှားကနေသို့မဟုတ် ကျရှုံးမှုကနေ သင်ယူတယ်၊ ပြင်ဆင်တယ်၊ ပြီးနောက် မိမိလိုချင်တဲ့အောင်မြင်မှုဆီရောက်အောင် တစိုက်မတ်မတ်လျှောက်လှမ်းသွားနိုင် ကြပါ တယ်။