சோழ மன்னரை இழிவாகப் பேசுகின்ற விஷயத்தை இத்தோடு விட்டுவிடு. எல்லாம் தெரிந்தவனாய் பேசுகின்ற திமிரை உடனே கைவிடு. நீ புத்திசாலியாக இருக்கலாம். உனக்குள் ஆயிரம் குறைகள் இருக்கலாம். ஆனால், சோழ மன்னருக்கு எதுவும் தெரியாது. எதுவும் செய்ய லாயக்கற்றவர் என்கிற மாதிரி பேசுகிறாயே, இதை என்னால் பொறுத்துக் கொள்ள முடியாது. நான் உள்ளத்தில் இருந்து பதில் சொல் என்று கேள்வி கேட்க, நீ சொல்கிறாய் என்பதால் நான் உன்னை மன்னித்தேன். மற்றபடி நீ ஏதேனும் ஒரு இடத்தில் வேறு ஏதேனும் ஒரு விதமாய் இதைப் பேசியிருந்தால் உனக்கு மரண தண்டனை நிச்சயம். ஏன் என்னால் உன் குறைகளைத் தீர்க்க முடியாது என்று நினைக்கிறாய்.