சோழதேசத்தின் நீளமும், அகலமும் தெரியாது உத்தம சோழனைப் போலவே நானும் இருக்கிறேன். சோழதேசத்து மக்களின் தன்மை உத்தமசோழருக்குப் புரியாதது போலவே எனக்கும் புரியவில்லை. இந்தச் சோழதேசத்தை நன்கு ஆட்சி செய்ய வேண்டுமென்றால், சோழதேசத்தின் ஒவ்வொரு பகுதிக்கும் ஒரு அரசன் போயிருக்க வேண்டும். சக்ரவர்த்தியாக ஒருவன் பதவியேற்றால் அப்படிப் போவதில் சிரமம் இருக்கிறது. எனவே, இந்தச் சக்ரவர்த்தி பதவி என்கிற சுமையை அவன் தலையிலே வைத்து விட்டு ஊர் மக்களைச் சந்திக்கும் பணியை நான் மேற்கொண்டிருக்கிறேன்.