அந்தப் பரமேஸ்வரனைப் பார்த்தவுடன் உன்னுடைய நட்சத்திரம் இது. உன் ஜாதகத்தில் குரு இங்கு இருக்கிறது. ராகு இங்கு இருக்கிறது. கேது இங்கு இருக்கிறது. இதனால் நீ இந்த குணமுடையவன். இந்த குரு இங்கு இருப்பதால் சந்திரனுடைய இடம் இது. சந்திரன் இங்கு இருப்பதால் புதனும், சூரியனும் இங்கே இருக்கிறார்கள். என்று பார்த்த மாத்திரத்தில் சொன்னார். அவன் திகைத்தான். பிறகு அவனைத் தனியே அழைத்துப் போய் காதோரம் கிசுகிசுப்பாக இப்படித்தான் நடந்திருக்கும் என்று சொல்ல, அவன் முகம் வியர்த்துக் கொட்டியது. இனி என்ன நடக்கும் என்று கேள்வி கேட்க, பதினாலரை வருடம் உன்னு டைய அற்புதமான நேரம் முடிந்து விட்டது. இனி சோதனைக் காலம்தான். மரணத்திற்கு நேரான கண்டங்கள் ஏற்படும் காலம் இது என்று சொன்னார்.