ஆயிரக்கணக்கில் வண்டி மாடுகள் இருப்பினும் மனிதர்தான் வெட்ட வேண்டும். மண் அள்ளிக் கொட்ட வேண்டும். அடிமை வீரர்கள் மட்டும் போதாது. விமானத்தின் உச்சியில் கலசம் வைத்ததும் விமானத்தைச் சுற்றியுள்ள மண்மேட்டை அகற்ற வேண்டும். அசுர வேலை அது. ஏராளமாக குவித்து விட்டார்கள். விரைவாக மண்ணை வெளியே எடுக்க வேண்டும். அதற்குப்பிறகு தாமிரத் தகடு வேலை. அதற்குப்பிறகு பொன் தேய்க்கும் பணி.. நினைக்க நினைக்க மலைப்பாக இருக்கிறது இந்த வேலையினு டைய கடினம், இந்த வேலையினுடைய அவசியம் உணராமல் இந்த மறவர்கள் தங்களுக்குள்ளும் சண்டையிட்டுக் கொள் கிறார்கள். ஊர் சண்டையும் இழுக்கிறார்கள்.