The oeppismitfisch's Podcast

Die dritti Staffle wos je geh het... Richtig glese, Staffle 2 isch scho ide Gschichtsbüecher. Mier sind nachenere Kreativpause wieder zrugg und fröged üs wases brucht zum erwachse sii. Feat. brösmelige Buntbarsch

Die zweiti Staffle wos je geh het... D Folg mit de meischte Höhemeter mit gueter Hintergrundmusig und schlechte Hintergrundgrüsch. Chömed mit uf di schaukligi Fahrt mit diversem Wüssenswertem. Feat. mautpflichtige Mondfisch

Die vierzehti Folg wos je geh het... Es isch so wiit, es isch Wiehnachte, es isch Ziit für Öppis mit Fisch. Was passiert bi üs a Wiehnachte alles so und wieso hets i dere Folg gfühlt 27 Unterbrüch? Feat. interdisziplinäre Ichthys

Die drizehti Folg wos je geh het... Mier hend en kulinarische Abstecher uf Arosa gmacht und spieled gern schlechti Handy-Games. Batterieladezustand: kritisch. Feat. römisch-katholische Riemefisch

Die zwölfti Folg wos je geh het... Es harzed und ned nume will mer über Verschwörigstheorie reded. SBB bounced back, höchschti Ziit zum d'Schildchrot i Chüelschrank tue. Feat. betriebsbereite Barrakuda

Die elfti Folg wos je geh het... Was gids eigentlich so für Berüehmtheite ade FHGR und was d'Familie Minder für sexistischi Traditione pflegt. Feat. tüüflische Tüüfseetüüfel

Die zehti Folg wos je geh het... Jubiläum! Das mal en komplett gskripteti, extra-schäbigi Folg – nume für üch. Mier beantwortet wieso zwüsche September und November die meischte Chind zügt werded. Feat. wiedergwählte Walhai

Die nünti Folg wos je geh het... Wieso mer in Chur en Cineplex bout und wieso mier nonie drüber gredet hend. Ameisi sind scho starch und 10-jährigi ebe scho dumm. Feat. gsundheitspolitische Giigeroche

Die achti Folg wos jeh geh het... Es huus ide Sahara mit geiler Ussicht wer nice, aber sind Mensche dümmer oder gschiider als früehner? Feat. subversivi Schwiizer Fisch

Die siebti Folg wos jeh geh het... Hüt mal live aber doch ned ganz. Über nervösi lüüt im Flugzüg und wieso mer scho wieder müed sind. Feat. gebührefreie Glaschopffisch