The Parokyanos Show

Goods ba kayo diyan mga Kaparokya? Nitong kamakailan lang sabay naglabas ang Spotify at YouTube ng kanilang Year-ender summary ng mga pinapakinggan ng mga listener mapa- music tracks o podcast show. Kilala sa tawag na "Wrapped". Ang ating mga Kaparokya, kasama pa rin ang ating Pambansang Guest na si Adrian Gali ay pinag-usapan ang kani-kanilang mga Wrapped at magugulat kayo sa kanilang mga nasa Top List.

Mula sa himpilan ng balita at katatawan, narito ang The ParokyaNEWS! Tatalakayin ang mga isyu na naging laman ng traditional at social media nitong huling buwan ng taon. Tulad ng Quadcom Hearing, VP Sara ala WWE Pay-per-View promotion, at ang mainit init pa gaya ng padeklara ng Martial Law sa South Korea, ang Maris Racal-Anthony Jennings issue. Narito na ang ating mga tagapagbalita na sina Lem Labasbas, Cris Bermejo at ang Pambansang Guest/Field Correspondent, na si Adrian Gali.

Tamang kumustahan lang mga Par! Ibinahagi ng ating mga hosts ang kani-kanilang mga pinagkakaabalahan habang OFF AIR ang Show. Samahan natin sina Lem at Cris sa usapang good vibes ang dala at mga impormasyon at aral na mapupulot, dito sa The Parokyanos Show!!!

Mga Kaparokya, alam natin na bahagi ng buhay, lalo na ng buhay-manggagawa. Ang pagsisikap at pagtitiyaga. Partikular na din sa mga Kaparokya natin na tinaguriang mga "breadwinners". Sa episode na ito mga Par, pag-uusapan natin kasama ang Kaparokya natin, si Adrian Gali. Ano o anu-ano mga bagay o gawain ang ibinibigay niyo sa mga sarili niyo na ika nga "reward" or "treat"? Dahil ika nga, mga Par. Deserve natin 'to! at gaya ng mga popular na mga kataga "Celebrate the small wins, Success is a series of small victories."

Goods na goods mga Kaparokya!!! Para sa isang espesyal na episode ng The Parokyanos Show. Kung baga may sinasabi tayong "Jack of All Trades", siyempre meron din siguro, "Jill of All Trades". Ating makakasama at makikipagkuwentuhan sa Parokya, ang kasalukuyang Presidente ng Peña Madridista Filipinas, Sports and Entertainment Writer/Editor, Event Coordinator, Travel and Food Blogger, na si Ms. Ish Caparras.

We Are Back!!! Mga Kaparokya. Pagkatapos ng halos dalawang linggong pahinga. The Parokyanos Show is BACK!!! The Return of the Comeback in ONE! Dahil ang Madrid Talk PH ay inyo na din mapapanood at mapapakinggan sa The Parokyanos Show.

Mainit na mainit na balita at usap-usapan ang El Clasico, sa mundo ng futbol at pampalakasan. El Clasico ay isang tunggalian sa larangan ng futbol sa pagitan ng magkaribal na koponan, ang Real Madrid C.F. at F.C. Barcelona.

Sa nalalapit na Undas, isang espesyal na episode ang inihahandog ng The Parokyanos Show. Magbabahagi ang ating mga hosts na sina Lem at Cris, kasama ang mga bumisitang Kaparokya na sina RJ Tolentino at Gideon Taggueg nang mga karanasan o kuwentong kababalaghan. Dagdag na din ang mga kuwentuhan tungkol sa mga palabas na napanood na nag-iiwan ng kaunting takot, pero hindi mawawalan ng tawanan at kulitan, dahil ito ay The Parokyanos Show na iyong mapapanood at mapapakinggan!