الانترفيو بيعتبر من التحديات إللي بتقابل مديري المشروعات في رحلة البحث عن وظايف جديدة، ممكن يبقى مدير مشروعات عنده خبرة

كبيرة وفاهم نظري وعملي، بس مش بيقدر يظهر معرفته دي في الانترفيو. عشان كده بتحتاج تحضّر للانترفيو زي ما بتاخد وقت في التخطيط لأي مشروع هتشتغل عليه. في الفيديو ده هنناقش أسئلة الانترفيو وإزاي تجاوب عليها والهدف من كل سؤال وإزاي إجابتك توصّل المعلومة المظبوطة عنك وعن خبرتك.

لو أنت مدير مشروعات بتدوّر على وظيفة، الفيديو ده معمول عشانك لو أنت صاحب شركة أو مسئول توظيف وعايز تعيّن مدير مشروعات، بردو الفيديو ده معمول عشانك هنناقش في الفيديو ده خطوات ومراحل تعيين مدير المشروعات وإيه إللي بيحصل في كل خطوة

الصدمة إللي بتحصل لك لما بتبدأ دراسة شهادة إدارة المشاريع الاحترافية، والصدمة الأكبر لما كل طموحاتك إللي توقّعت الحصول عليها بعد

الشهادة تلاقيها مش موجودة! مديرين كتير بيشتكوا من الموقف ده، وعشان كده كان لازم نناقش الموضوع ده ونشوف هل فعلاً الحصول على الشهادة كان تضييع وقت ومجهود وفلوس ولا إيه.

إزاي تقدر تستفيد من التطبيقات والمواقع والأدوات المتاحة أونلاين عشان تسهِّل حياتك والمهام المختلفة إلي بتحتاج تعملها، من غير ما تضطر

إن يكون معاك جهاز بإمكانيات عالية جداً ولا تحتاج تتعلِّم برنامج كامل مخصوص عشان تاسك صغيرة.

أعمل إيه عشان أشتغل  IT Project Manager؟ مع زيادة عدد الوظايف إللي بتطلب Software / IT / Technical Project Manager بقى السؤال ده بيتكرر كتير بين مديري المشروعات، لإن زيادة الفرص دي معناه إن في طلب عالي على مديرين يشتغلوا في قطاع تكنولوجيا المعلومات IT، وبالتالي فرص تطوُّر وظيفي أفضل 😉  في البودكاست التفصيلي ده ناقشنا الموضوع بشكل كامل 👌 بحيث تقدر تحدد المهارات والمعرفة إللي محتاج تتوفّر عندك كـ بداية عشان تقدر تاخد المسمى الوظيفي ده وتشارك في حركة التحول الرقمي العالمية إللي بتحصل في كل حتة حالياً، وتكون مواكب للتطور الحاصل في مجال إدارة المشروعات.

إزاي تحقق أكبر استفادة من الـ  Project Managers Summit إللي هتكون يوم الجمعة والسبت والحد 2-4 إبريل. الكلام ده ينطبق على أي إفنت هتحضره، خاصةً الـ  summits  لإن بيكون فيها أنشطة كتير شغالة بالتوازي، وبالذات لما تبقى أونلاين كمان. ده لينك الفايل إللي كنت بستخدمه في الفيديو عشان لو عايز تظبّط جدولك الخاص بنفس الطريقة http://bit.ly/PMS_Agenda

الـ PMP مبقاش ليها لازمة أي حد بياخد الـ PMP حتى لو معندوش أي خبرة الأسئلة متسرّبة والناس بتنجح بالغش مؤخراً انتشرت الشائعات دي وغيرها عن شهادة إدارة المشروعات الاحترافية وإنها خلاص عفى عليا الزمن ومش بتضيف معرفة ولا قيمة لمديري المشروعات. هو ده موضوع الفيديو الجديد، وناقشت فيه التعليقات دي وأسبابها ومدى صحتها.

مديرين كتير بيكونوا مذاكرين كويس قبل الامتحان من مصادر مختلفة، وجاهزين للتقديم على الامتحان على طول، لكن بيضطروا ياخدوا

كورس مع أي مكان سواء أونلاين أو أوفلاين عشان بس يبقى معاهم شهادة بـ 35 ساعة تدريبية في إدارة المشروعات. في الحقيقة الشهادة دي مش مطلوبة ومش هتحتاجها، وتقدر تذاكر من أي مكان. اعرف أكتر في البودكاست ده ليه الشهادة مش مهمة!

ماذا بعد الـ PMP؟🤔 أكتر سؤال بيفكّر فيه أي مدير مشروعات بعد ما ياخد شهادة الـ PMP، ويبقى محتار بقى هل آخد مثلاً الـ RMP ولا الـ ACP ولا غيرهم من الشهادات، ولا المفروض أروح بقى أعمل MBA! .  في البودكاست ده بجاوب على إيه إللي المفروض تعمله بعد شهادة الـ PMP وإزاي تكمِّل في رحلة التطوير المهني بشكل سليم

قررت تاخد شهادت الـ PMP؟ يبقى أول حاجة تسأل عليها هي: الامتحان هيكون على أنهي إصدار من الكتاب وإيه هي مصادر الأسئلة إللي أعلنها الـ PMI ناقشنا الموضوع ده بالتفصيل في البودكاست ده