Mengameli Cyril Ramaphosa ukhetse litsimba lebuholi lebutawusingatsa tinhlelo tekucashwa kwalotawuba yinhloko yeluphiko letebushushisi kulelive iNational Director of Public Prosecutions. Loku kwenteka njengoba siyaphela sikhatsi sa-Adv Shamila Batohi sekubasehhovisi ekupheleni kwaBhimbidvwane lotako. Mengameli ukhetse indvuna yelitiko letebulungiswa kanye nekutfutfukiswa kwemtsetfo-sisekelo Mmamoloko Kubayi kutsi abengusihlalo walelitsimba. Latawubambisana nabo bafaka ekhatsi sihlalo welikomishana lemalungelo eluntfu, iSA Human Rights Commission, sihlalo welikomishana letekulingana ngebulili, umhloli-mabhuku jikelele, Sihlalo welikomishana lemsebenti welive kanye nalababili betinhlangano yebammeli iBlack Lawyers Association kanye neNational Association of Democratic Lawyers. Lokhulumela mengameli Vincent Magwenya...,