A orquestra folk Sondeseu celebra o seu 25 aniversario cun concerto no Auditorio Mar de Vigo. Falamos da historia desta formación con Begoña Riobó e Anais Barbieri. Alberto Ardid coméntanos a súa exposición "Hay un lugar", que introduciu no MARCO elementos característicos do rural galego. Conversamos con Vladimir Merino, comisario da exposición "E ademais debuxan", un conxunto de debuxos realizados por meniños durante a guerra civil española que se pode ver na Casa das Campás en Pontevedra. Vituco Neira fálanos da campaña "Castelao non o faría" coa que os ilustradores galegos pretenden concienciar sobre as consecuencias que ten para a súa profesión o abuso da utilización da Intelixencia Artificial.

Parada teatral en "Casting" outra proposta escénica da compañía "Lagarta Lagarta". Protagonismo do cinema galego nas estreas de carteleira. O expreso fai unha viaxe especial polas cartografías musicais polos países que protagonizaron o espazo da Radio Galega "Andando a Terra".

Afonso Becerra fálanos de ‘Revelesencia’ o concepto que articula a XII edición do Festival Internacional de Artes Escénicas Escenas do Cambio 2026.

Acuñado pola súa directora artística, Kirenia Martínez, combina revelación, efervescencia e esencia para definir unha programación sobre a transformación consciente e a persistencia do escénico. Deica o domingo en Santiago.

Primeira parada en "Memoria das memorias dun neno labrego", proposta teatral do dramaturgo Cándido Pazó para conmemora os 50 anos a obra de Neira Vilas. O Expreso detense tamén no festival de Jazz Cidade de Lugo. Continuamos a viaxe pola terra de China.

Comezamos falando con Xes Chapela do documental "Jazz en liberdade". Achegámonos a "Volpone", a montaxe da comedia satírica de Ben Jonson que Talía Teatro presentou en Compostela. Acompáñanos o responsable de programación da Filmoteca Galega, Xosé Manuel Sande. Un tránsito polo sector libro con Manuel Bragado, director de Edicións Xerais e presidente da Asociación Galega de Editores.

Viaxamos á Amazonia con "Apash, os de fóra", un documental de Tintimán Producións en colaboración coa TVG escrito e dirixido pola realizadora Cora Peña para darlle voz aos pobos indíxenas da selva peruana. Parada en Compostela nas xornadas sobre "Literatura e violencia de xénero".Tránsito polos camiños do teatro coa segunda entrega de "Citizen", a proposta da compañía Chévere.En directo no estudo, Sergio Tannus Trío.

Homenaxe póstumo ao ilustre Francisco Fernández del Riego, escritor, intelectual e político, figura fundamental da cultura galega. Na madrugada, a segunda entrega das "Cartografías Sonoras" do espazo "Andando a Terra".

Comeza a viaxe coas mulleres peregrinas no medievo ao fío dun libro presentado polo CSIC. Paramos en "A muller", primeiro traballo discrográfico conxunto de Rosa Cedrón e Cristina Pato. Xulia Alonso fálanos do seu primeiro libro, "Futuro imperfecto". Na segunda hora, unha viaxe cunha das voces fundamentais do panorama musical galego, Uxía.

Entrevista co teólogo e académico Andrés Torres Queiruga. O pazo de xustiza da Coruña acolle a exposición "As Pegadas da Xustiza" para celebrar o 80 aniversario do edificio. Repaso ás propostas da escena galega do outono. Na segunda parte do programa, unha nova visita á China.

Claudio Giráldez na previa do Atlético de Madrid - RC Celta, e unha praza europea máis para o fútbol español.

Javi Torres, dende Cádiz, nas horas previas o partido do Dépor no Novo Mirandilla.

Día grande para o Obradoiro. Se lle gaña o Guipúscoa, ascende á Liga ACB.