Todos os podcast | A crónica deportiva

O noso experto arbitral Xabier Rodríguez fai balance das decisións máis controvertidas vividas polo Celta no que vai de temporada: cre que tivo dúas a favor e seis en contra. En Ferrol, o Racing valora a traballada vitoria diante do Andorra mentres o Dépor volve goleado de Irún

“É un libro sobre a experiencia de vivir o deserto”. Ana Cabaleiro publica 'Xa vemos palmeiras', entre a autoficción, o caderno de viaxe e o texto memorialístico.

“É un libro sobre a experiencia de vivir o deserto”. Ana Cabaleiro publica 'Xa vemos palmeiras', entre a autoficción, o caderno de viaxe e o texto memorialístico.

As Miudiño Sessions, impulsadas pola plataforma A Regueifa 2.0, son unha serie de micronconcertos de grupos e solistas galegos en formato mínimo gravados en localizacións singulares. Noel Feáns, o seu promotor, fálanos destas sesións, feitas de xeito artesnal e sen fins comerciais.

Emilio Españadero fálanos da homenaxe que se lle vai facer a Pancho Álvarez en Fene e dos novos traballos discográficos de Fernando Barroso e Ker Cuez.

‘O pobo canta: o pensamento político de Pier Paolo Pasolini’ é o título da xornada que organiza o Consello da Cultura o martes 7 de novembro no Centro Cultural Marcos Valcárcel de Ourense. Conversamos cun dos coordinadores do encontro, o cineasta italiano Simone Saibene, que intervirá tamén para falar do cine de Pasolini. Escoitamos outra das participantes, a xestora e creadora cultural Cristina Consuegra, que confrontará o pensamento pasoliniano coas grandes cuestións do noso presente.

Tempo para a ciencia con Estíbaliz Espinosa, que vén charlar e reflexionar con nós sobre o feito da extinción.

Afonso Becerra fálanos de ‘Berro’. Trátase da peza coa que Nova Galega de Danza celebra o seu 20 aniversario.

Sabías que 2 de cada 3 topónimos que hai en España están en Galicia? A sexta edición de 'Toponimízate' busca recuperar os topónimos que dan nome ós nosos territorios. Falamos con Vicente Feijóo e Nicanor Palomares, de Galicia Nomeada.

Escoitamos o novo álbum do grupo de Muros co seu cantante, Miguel Cernadas. Oito temas nos que regresan ao son directo, máis cru, e que presentarán en directo o 8 de decembro na sala Malatesta de Santiago.

Segunda entrega da historias terroríficas que escolmou para nós Eva Mejuto. Hoxe, A casa enmeigada, o clásico de Jan Pienkovski, que trouxo ao galego hai uns anos a editorial Patas de Peixe. Tamén lemos a última entrega dos Minimortos de Ledicia Costas, Criando malvas, outra historia divertida que rompe co tabú da morte coa axuda das ilustracións de Mar Villar. Poñemos o ramo cunha historia de bruxas, Clorinda Marween: unha bruxa inventora, con texto de María Márquez e ilustracións de Pupé, editado por Cumio.

A directiva do Arosa cre que o equipo poderá avanzar á segunda rolda da Copa do Rei por mor da posible aliñación indebida do Granada; en Primeira, as peñas do Celta convocan unha queixa polas últimas arbitraxes e, no baloncesto, venres de partido para o Ensino, o Uni Ferrol e o Celta