Andrea Jamardo comenta ’O mundo de Jane Austen’, unha obra de Raquel C. Pico publicada por Sushi Books. O libro aborda de maneira accesible a vida e obra da escritora inglesa e está dirixido tanto a público adolescente coma adulto.

Tamén nos fala do álbum ilustrado ‘Elmer e as baleas’, unha aventura do elefante multicolor creado por David McKee.  A tradución ao galego é de Xosé Manuel González e está publicada por Kalandraka.

Laboratorio Escénico estrea o espectáculo de música e danza “Monte”. E ademais a tradución de "Noites brancas".

Begoña fálanos da estrea en Agalega.gal de "Chichi e máis eu", o documental no que Nico Campos retrata ao seu pai, unha figura case esquecida da cultura galega, militante comunista, humorista e galerista. Tamén fala de "Contou Rosalía", unha película protagonizado por Melania Cruz que narra a vida da poeta e escritora en madrid.

O Centro Galego de Arte Contemporánea organiza o curso New Fashion de moda experimental e perfomance

Afonso Becerra comenta o espectáculo de danza ‘Quando ven a taciturna de limiar en limiar o presente frágil’, unha creación de Joana von Mayer Trindade e Hugo Calhim Cristóvão. Estreouse este mes no marco do GUIdance, en Guimarães, e o 30 de maio estará no Rosalía de Castro da Coruña.

Tito Lesende traénos dúas primicias de artistas galegas que publican disco, Agoraphobia e Antía Muíño. E, ademais, os concertos vindeiros en Santiago de Pastor Eléctrico, Muaré e Anabel Lee.

Percorrido pola programación do Día de Rosalía na conmemoración do 189 aniversario do nacemento da escritora Rosalía de Castro.

Moncho Lemos fálanos de ‘As liñas descontinuas’, de Anxos Fazáns, e adiántanos que mañá estará no Galicia por Diante a súa protagonista feminina, Mara Sánchez.

E outra estrea, ‘El agente secreto’, unha película brasileira de Kleber Mendonça Filho.