Todos os podcast | A penaltis

Carlos Crespo trae ás súas “descubertas” a PEITOESCURO, o proxecto de Rubén Gutiérrez. Este madrileño, asentado nunha aldea ao pé do Courel, presenta na Radio Galega(en primicia) o seu tema novo ‘Pan das pedras’

E tamén:

👉Javi Liz, gardameta do Pol en Preferente e Policía Local.

👉Roi Torres, defensa santiagués que pasou polo Real Madrid e actual xogador do Intercity.

Andrea Jamardo recomenda tres lecturas:

- ‘Hilda e Twig espertan o home da neve’, de Luke Pearson Traducido ao galego por Clara Barcia para Sushi Books

- ‘Gato Cono’, de  Sara Howden e Carmen Mok, Con tradución de Laura Sáez na editora Patasdepeixe

- ‘A salvaxe vida dos dinosauros e outros animais prehistóricos’, en Aira Editorial

As residencias REGA culminan o desenvolvemento dos proxectos seleccionados na cuarta edición. Falamos de “Aburrimento” con Marta Tejada, “Cerebral 4.0” con Alberto Castaño e “Azulexería” con Loaira Pérez

Begoña Vázquez recomenda dous documentais que poden verse en agalega.gal:

- 'María Casares: a muller que viviu mil vidas', de Xavier Villaverde.

- 'Os espazos en branco', de Bruno Arias, sobre a súa malograda tía Xela

O grupo folk coruñés Tiruleque publica o seu quinto disco. Unha reivindicación das foliadas urbanas titulada 'Repichoca'.

Afonso Becerra comenta’ Werther’, de Jules Massenet, que se puido ver no concerto de clausura do Outono Lírico 2025 que promove a Asociación de Amigos da Ópera de Vigo. 

Coa Orquestra Sinfónica Vigo 430, dirixida por   Oliver Díaz, e as voces do Coro do IES da Xunqueira 1, de Pontevedra.

Tito Lesende pica música do Underfest, un deses festivais que combinan a integración coa cidade cun criterio editorial coidado. Hai propostas chegadas de moitas procedencias dentro do pop alternativo, das que escoitamos o galego Incurable; os estadounidenses We Are Scientists; Dewolff, que chegan dos Países Baixos; os británicos The Psychedelic Furs ou os franceses Rinôçéròse.