Os Concellos de Muros, Carnota, Dumbría e Cee acordan crear unha ruta costeira que unirá

algúns dos recursos máis icónicos de Galicia e quixemos descubrila algo máis. Falamos con Cocoloco, unha nova empresa de accesorios para cans dunha parella emprendedora e creativa dos pés á cabeza pero, sobre todo, coruñesa. Coñecemos máis de Xulio César na colaboración Vía Clásica de Xosé Antonio López Silva e adentrámonos tamén na historia dos Xogos Olímpicos e da alimentación que seguían antes os deportistas. Viaxamos a Chequia con Agustín Vázquez a propósito duns voos directos a Praga en Semana Santa dende Compostela e pechamos o programa coñecendo máis da profesión de astrónomo con Borja Tosar.

Coñecemos a orixe das cores e mesmo variedades impensables das mesmas coa profesora de Belas Artes Carme Hermo. Falamos de ansiedade nos máis cativos con Raquel Rosa na súa Tribo e coñecemos o libro 'Galicia, distrito industrial'. Miguel López Crespo recórdanos a importancia de coñecer os nosos dereitos como consumidores neste Día Mundial do Consumidor. Pechamos o programa relaxándonos e falando de ioga.

Coñecemos á campioa de España de bodypainting, a canguesa Yovana Fandiño. Coñecemos que tipo de calzado debemos usar para cada actividade físico-deportiva e por que. Descubrimos o mundo das telenovelas e producións varias audiovisuais coreanas a través de Paula Cantelar e Moncho Lemos. Charlamos con Pepa Prieto polo seu novo libro 'Mis agendas semanales' e Xiana Albor, a nosa ambientóloga de confianza, descúbrenos o estupendo mundo das cigoñas. A que non sabedes que miden máis dun metro? Pois así é. Pechamos o programa compartindo minutos con Reciclyng, unha empresa que naceu como asociación no ano 2019 co obxectivo de enviar 25 bicicletas a unha Asociación de Guinea Bissau.

Falamos con Fernando Miranda, da Librería Miranda, esa librería de Bueu pola que pasan moitos escritores de renome en España. Seguindo con libros, falamos coas autoras de 'María Wonenburguer. La Atrevida matemática a la que nuestro país dio dos veces la espalda'. Coñecemos detalles da nova edición do encaixe de Camariñas deste ano. Ana Camiño descúbrenos o mundo das herdanzas repartidas en vida e Maxi Pérez tráenos un obxecto que nos garante que, se o colocamos no coche, non imos volver ver un xabarín preto do noso coche nas estradas. Pechamos o programa a ritmo de música porque coñecemos o Canteo Tour, unha xira de djs.

Antía Muiño saca novo sinxelo e cóntanos todos os detalles e, ademais, pechamos tamén con música falando con Enrique Ramil, que está agora en Mexico para comezar a xira despois de gañar unha Gaivota de Prata no Festival Viña del Mar. Coñecemos os problemas bucodentais dependendo das idades e visítanos Rocío García-Viso ou @rocio.matrona en redes, pois vén de sacar o libro 'El arte de crearte'. Descubrimos a endiometrose co doutor Norberto Proupín.

Falamos cunha taberneira que tivo que atender á casa, aos fillos, á taberna, a sacar o carné e a moito máis ela soa. Chámase Aurora Loureiro e o Concello da Estrada concedeulle o XII Premio Honorífico ao Labor das Mulleres a Aurora Loureiro Baluja. Falamos da muller romana en Vía Clásica con Xosé Antonio López Silva. Coñecemos a novela 'Palabras para Oliva', cunha historia que é un auténtico xogo de bonecas rusas onde ao final non todo é o que parece. Pechamos o programa celebrando o 8M nas distintas cidades galegas e falando de que non debemos deixar a educación sexual en mans de internet, todo de man do libro 'El porno no mola'.

Falamos de galegos nas américas, de organizar vodas e de que implica ser a filla do medio ou a pequena. Charlamos con Mireia García, a xornalista que debuta na literatura coa novela 'Las palabras calladas'. Visítanos Jorge Blass en tempo de conversa con Pedro Volta e pechamos coa música de Alberto Espiño, que sacou novo tema.

Falamos de ser bombeiro co divulgador Savia Nova, de desinformación co grupo de investigación Novos Medios. Comentamos a serie 'Reina Roja' con Moncho Lemos e Carlos Jiménez en Sen Butacas. Coñecemos a César Pérez Gellida, escritor de novela negra que, coa súa última publicación 'Bajo tierra seca' vén de gañar o Premio Nadal 2024. Tamén conversamos cuns aventureiros que se atopan agora en Tokio tras correr unha maratón e pechamos o programa de forma moi especial coas Tanxugueiras.

Cé Rodríguez cóntanos que podemos empregar das nosas casas como fertilizantes e abonos, descubrimos un proxecto que conecta alumnado galego con bosnio e falamos de ser avogado de oficio con Ana Camiño (que nos atende facendo unha garda). A escritora Isabel Sánchez cóntanos a importancia de coidarnos a nós mesmos antes que os demais, algo que reflicte no seu libro 'Cuidarnos'. Falamos de multas, seguridade dentro do coche e moito máis con Maxi Pérez e pechamos con música: con Macarena Tejada.

As mulleres españolas protagonizaron anuncios da banca antes de poderen abrir libretas de aforro por si soas. A que non o sabías? Descúbreo de man de Susana Martínez, profesora de Historia Económica. Tamén nos preguntamos por que hai tanto rollo para mercar entradas para concertos e festivais e por que tanta antelación. Tito Lesende, responsable de Comunicación da SGAE en Galicia bótanos un pouco de luz no asunto. Iván Carril, formador da Garda Civil en seguridade, fálanos da importancia de non escanear absolutamente toda a nosa documentación para enviar. Coñecemos, tamén, o primeiro libro en español que combina receitas de temática kawaii coa repostería 'typical spanish’. Descubrimos a importancia de revisar a vista con Norberto Proupín, para descartar que teñamos glaucoma. E pechamos o programa coa música de Borja Quintela.