Testemuños dos protagonistas da xornada futbolística do domingo, con especial atención ás xogadoras do Depor feminino, que conseguiron o ascenso á división de honra.

Tódolos detalles da renovación do adestrador do Celta, Claudio Giráldez. A padexeira Teresa Portela cóntanos como se sente tras clasificarse para os seus sétimos Xogos Olímpicos. Facemos a previa da xornada prestándolle atención ao Pontevedra-Ourense no que se pode decidir o acenso a 1ªRFEF. Acompáñannos un xogador de cada equipo, Alex González e Gabri Palmás. Djalminha presenta un documental sobre a súa traxectoria deportiva. Falamos co máximo goleador da Preferente, Marcos Blanco.

Vítor López explica os cambios que introduce o Celta na súa estrutura deportiva. Repasamos a actualidade do baloncesto galego con Millán Gómez e a axuda do xogador do Obradoiro, Fer Zurbriggen. Entrevistamos á haltera coruñesa, Irene Martínez. Alex Gesto responde ás preguntas dos oíntes e Perico Balado traenos as súas curiosidades do deporte.

O exdirector técnico do Depor, Richard Barral, súmase ao noso equipo de analistas para comenta-los partidos de Champions. Abordamo-la derradeira xornada da liga feminina de baloncesto coa adestradora do Celta, Cristina Cantero. Convidamos ao Bestiario ao premio nacional de literatura infantil e xuvenil e exporteiro de balonmán, Antonio García Teijeiro; e rematamos co Terceiro Tempo de Guillermo Zapata.

Vítor López e Roberto Lago analizan a actuación do Celta en Sevilla e fan contas sobre as posibilidades de permanencia en primeira. Raul Villares e Nesi Otero avalían o estado do Racing; e Xavi Torres e Emilio González debaten sobre as perspectivas dos equipos galegos de primeira RFEF. Entrevistamos ao xogador do Vilalbés, José Varela, e ao adestrador do Balonmán Cangas, Nacho Moyano.

Vítor López, Xavi Torres, Peli Cantoná, Rafa Cabeleira e Alex Gesto debullan a xornada futbolísitca da fin de semana prestándolle atención especial aos partidos do Celta, o Racinbg e o Depor. Ademáis, escoitamos as avaliacións postpartido dos adestradores dos equipos de terceira.

Buscamos a última hora do Betis-Celta cun exxogador de ámbolos equipos, Edú. Para falar do Racing-Huesca axúdanos o defensa do conxunto oscense Miguel Loureiro. Repasamos o resto da xornada en 1ª e 2ª RFEF . Dous equipos galegos disputan a fase final da copa da Raiña de futbol sala, o Burela e o Castro. Acompáñannos unha xogadora de cada un, Dany Domingos e Patri Corral. Ademáis coñecemos un mozo que compatibiliza os seus estudos en Santiago coa competición nun equipo de terceira rexional en Vilanova de Arousa.

Reunimos a Roberto Lago, Rafa Cabeleira e Alex Gesto para falar da xornada da Champions e dos partidos que afrontan esta semana Celta e Racing. Escoitamos aos protagonistas da clasificación do balonmán Cangas para a fase final da Copa, a vitoria do Basket Coruña e a derrota do Club Ourense Baloncesto. Falamos cos padexeiros galegos que conseguiron billete para París e recibimos ao mozo que pediu a man da súa noiva no estadio de Riazor a pasada fin de semana.

Recén rematado o partido Real Madrid-Manchester City, os nosos colaboradores analizan o ocorrido e os demáis enfrontamentos da xornada europea. Celebramos a volta da selección galega de futbol, a "Irmandiña". Entrevista co adestrador galego do Tizona Burgos, Diego Ocampo, a poucas horas do trascendental partido que o seu equipo disputa co Basquet Coruña. No Bestiario, Martiño Suárez cóntanos a aventura da selección italiana de fútbol á que sorprendeu en España a proclamación da República en 1931.

O exxogador do Athletic e do Celta, Pachi Salinas, comenta cos nosos colaboradores a vitoria dos vascos na Copa do Rei. Falamos das consecuencias da derrota do Racing en Amorebieta. Xavi Torres e Emilio González aventuran o que pode pasar no que resta de competición na 1ª RFEF. Entrevistamos a Stanis García, o adestrador do Hoquei Club Coruña que se acaba de clasificar para a fase final da Champions feminina. Coñecemos a Melania Rodríguez, campioa de Europa de dobre min tramp.