O Centro Cultural Torrente Ballester de Ferrol acolle ata o 5 de xaneiro a retrospectiva 'Dessassosegos 1970-2024' do artista Manuel Patinha.

Manel Cráneo fala de museos de banda deseñada e fainos recomendacións para visitar centros deste tipo en Bélxica, California e Cataluña.

A deseñadora María Barros é unha das participantes na última edición das residencias artísticas do Gaiás. O seu proxecto Téxtil suspendido explora formas escultóricas realizadas en seda e algodón con técnicas de alta costura.

'O noso tempo' é o primeiro disco longo de Hugo Guezeta, o que fora un dos integrantes do grupo Sondarúa. Un traballo que enceta unha nova xeira na traxectoria do rapeiro de Ponteareas, que explora novos ritmos e temáticas coa produción de Peter Petrowski. 'O noso tempo' preséntase en directo o día 14 de decembro na sala Rebullón de Mos, o día 19 na Mardi Gras da Coruña e o 21 de decembro na sala Sónar de Santiago.

“Apostamos por poñer en valor a permanencia dos títulos nun tempo no que a voracidade das novidades colapsa as librarías”. Dores Tembrás fala dos dez anos de Apiario, a editorial publica O libro das abellas.

Un catálogo que segue vivo. A editorial Apiario celebra décimo aniversario co volume O libro das abellas.

Hugo Guezeta preséntanos o seu primeiro álbum en solitario, 'O Noso Tempo'.

Mónica Maneiro analiza as propostas das residencias artísticas do Gaiás. Unha delas é o proxecto 'Téxtil suspendido', no que a deseñadora María Barros converte tecidos en esculturas.

‘Con propósito de emenda’, de Marta Lado. Falamos con ela e escoitamos a peza.

A fisterrá Marta Lado, autora e actriz galardoada nos Mestre Mateo e os María Casares, preséntanos a historia dun guionista que se fai pasar por cura para inspirarse nas confesións dos fregueses. A súa parella decide poñelo a proba...

Texto e dirección: Marta Lado. Interpretación: Marta Ríos e Jorge Varandela. Adaptación sonora: Gerardo Amigo. Sintonía: Daniel Martín Ayguavives.

Patty Castro fálanos hoxe de Balmog e Xerión, dúas bandas do país que practican black metal, un xénero de atmosfera escura que ás veces evoca elementos transcendentes ou filosóficos.

“O inferno que viviron estas mulleres é moi descoñecido para a poboación”. Montse Fajardo pescuda, no ensaio Caídas, a historia do Patronato de Protección a la Mujer, e a súa incidencia en Galicia.

'Hackeamos o patriarcado' é un libro colectivo e interdisciplinar no que participan unha vintena de investigadores e investigadoras. Abórdanse cuestións como a violencia de xénero nos espazos dixitais, a baixa porcentaxe de mulleres no ámbito da enxeñería ou os nesgos de xénero no deseño de asistentes virtuais. Conversamos coa doutora enxeñeira en Telecomunicación Soledad Torres Guijarro, coordinadora da obra, e coa profesora de Socioloxía Iria Vázquez Silva, unha das participantes.