Esta tarde no Pazo do Hórreo van recoñecer a Castelao coma primeiro presidente de Galiza. Asemade inaugúrase unha exposición na Fundación Penzol e na USC acaba de arrancar a cátedra que leva o seu nome.

Da man do profesor e académico Henrique Monteagudo percorremos os tres escenarios.

Afonso Becerra comenta ‘As gardiás’, de Teatro de Ningures. A obra reflexiona sobre a vellez, a independencia e os coidados.

Na véspera do Día Internacional do Patrimonio conversamos con dous biólogos que reivindican a vida non humana como parte da cultura. Pablo Carpintero e Xosé Mouriño Cuba son dous dos participantes na I Xornada de Patrimonio Inmaterial organizada polo Instituto de Estudos Chairegos e o Consello da Cultura Galega.

Lemos con Eva Mejuto dous álbums ilustrados premiados: 'Bim Bam Bum', de Maria Girón, premio Compostela e mais 'Algo pasa na casa do lobo' de Susanna Isern e Ayesha L. Rubio, premio Ciudad de Fuengirola.

Tito Lesende pica cancións dos novos discos de Sen Senra, Hugo Guezeta e Marián e avanza o concerto de Bryan Adams na Coruña.

O deseXo de Talía Teatro

'deseXo' é unha comedia sobre a falta de educación sexual, creada pensando nos adolescentes, pero apta tamén para o público adulto. Talía parte dun proceso de investigación

en centros de secundaria, sobre o impacto da pornografía na mocedade actual. Marta Ríos e Dani Trillo son os intérpretes deste texto creado e dirixido por Diego Rey.

Moncho Lemos comenta “+Cuñados ”, que se estrea o domingo na TVG. E ademais, dúas estreas para esta fin de semana.

*‘Polvo serán’, de Carlos Marques-Marcet. Tras ser diagnosticada cunha enfermidade terminal, Claudia decide emprender a súa última viaxe a Suíza. 

*‘Gladiator II’, de Ridley Scott. Nesta secuela, con música de Abraham Cupeiro, o protagonista rememora o seu pasado na procura da forza e a honra que lle devolvan ao pobo a gloria perdida de Roma.

Recibimos a visita da cantante, gaiteira e docente Carme López (Carmela) para falarmos de ‘Vinde todas’, o seu proxecto de música de tradición oral que sae hoxe á venda.

A perspectiva de xénero e a investigación etnográfica son os piares deste disco, no que cada canción leva o nome das mulleres de referencia no proceso de aprendizaxe. Tamén inicia e pecha o álbum coas gravacións de campo que reflicten o proceso de investigación etnomusicolóxica.

“Chegou a moitos lugares nos que nunca se fixera unha acción feminista”. Uqui Permui presenta o volume Sempre libres e vivas que documenta a campaña En negro contra as violencias

A deseñadora Uqui Permui publica Sempre libres e vivas, un libro que documenta e percorre a evolución durante oito anos da campaña “En negro contra as violencias”. E ademais As gardiás, a nova montaxe de Teatro de Ningures

Talía Teatro leva a escena a ausencia de educación sexual en tempos de acceso temperá á pornografía. A montaxe 'deseXo' está protagonizada por Marta Ríos e Dani Trillo e dirixida por Diego Rey.

Tito Lesende pica música dos novos discos de Sen Senra e Hugo Guezeta, un tema novo de Marián e avanza o concerto de Bryan Adams na Coruña.

Recibimos a visita da cantante, gaiteira e docente Carme López (Carmela), para falarmos de ‘Vinde todas’, o seu proxecto de música de tradición oral que sae hoxe á venda.

Moncho Lemos comenta “+Cuñados ”, que se emite ko domingo na TVG. E ademais, dúas estreas para esta fin de semana: ‘Polvo serán’ e ‘GladiatorII’