Ángel Sesar, autor do portal Historias del atletismo, comenta nesta ocasión o punto cumio na carreira de Michael Johnson, un dos mellores velocistas de todos os tempos. En Atlanta brillou logrando algo moi difícil de ver, dobrete na velocidade media e na longa, nos 200 e nos 400. Una historia que agocha un récord do mundo doutra época con lesión incluída.

Neste episodio analizamos con Ángel Sesar, autor do portal Historias del atletismo, unha das finais máis emblemáticas nos 400 metros lisos. Lee Evans levou a vitoria en México 1968 nunha final de récord, cargada de éxito e reivindicación a partes iguais.

Neste capítulo repasamos con Ángel Sesar, autor do portal Historias del atletismo, os dous ouros que gañou Hicham El Gerrouj en Atenas 2004. O atleta marroquí tras perder nos anos anteriores só dúas carreiras de 1500, as finais de Atlanta e Sidney, levou a vitoria nos 1.500 e nos 5.000. Con isto rompeu o que parecía unha maldición nos xogos para el e, ademais, reeditou a fazaña do finés Paavo Nurmi, gañar esas dúas probas nuns xogos, 80 anos despois.

Analizamos neste capítulo a fazaña que lograron dous estadounidenses en dous Xogos claramente marcados polo contexto político. Jesse Owens irrumpiu na posta en escena de dominio alemán que planificara Hitler no 36 para levar catro ouros, 100m, 200m, 4x100m e lonixtude. Varias décadas máis tarde outro estadounidense, Carl Lewis. tamén de Alabama, igualou esta fazaña ao levar os catro ouros nas mesmas probas nos Xogos Olímpicos do boicot do Leste, nos Ánxeles 1984.

Repasamos neste capítulo a mellor final da historia no mediofondo curto. David Rudisha deixou un récord mundial abraiante, baixando de un minuto e 41 segiundos, nunha final na que todos os participantes entraron en menta en menos de 1 minuto e 44 segundos.

Viaxamos ata os Xogos Olímpicos de 1984. Un xogos marcados polo boicot do bloque dos países do leste. Nese contexto unha atleta rumana, Maricica Puica, levou contra prognóstico a final dos 3.000m femeninos. Unha final chea de drama para os anfitrións trala caída da gran favorita, a estadounidense Mary Decker á metade da carreira.

Trasladámonos nesta ocasión a uns dos mellores Xogos Olímpicos da historia e tamén a uns dos xogos con máis contido reividicativo. Mexico é lembrada polas protestas dos atletas norteameiranos, polos numerosos récords mundiais e pola innovación na técnica dalgunhas probas, como no salto de altura. Pero neses xogos un keniano intentou levar tres ouros e 10.000, 5.000 e 1.500. Kipchogue Keino chegaba a México coa idea de levar tres ouros pero enfermou días antes, unhas pedras na vesícula frearon a súa fazaña. Non puido co 10.000, foi prata nos 5.000 e, a pesar de que os médicos lle aconsellaron non seguir correndo, apareceu na final dos 1.500 para lograr un dos ouros máis claros da historia do mediofondo mundial

Neste epsidio lembramos a mellor oportunidade que tivo o keniano Paul Tergat de superar a Haile Gebreselassie nunha final. Os dous foron os grandes dominadores do fondo na década dos 90 e principios do século XXI. Gebreselassie sempre batía nas grande finais a Tergat. En Sidney Tergat rozou a fazaña, pero Gebre superouno na meta por menos dunha décima, a menor diferencia que houbo en Sidney entre ouro e a prata entre todas as carreiras de volta ao estadio.

Neste primeiro capítulo de Carreiras con historia, repasamos o punto cumio da rivalidade de dous dos mellores mediofondistas de todos os tempos, Sebastian Coe e Stev Ovett. Inmersos nun Xogos Olímpicos de Moscova tinguidos de polémica polo boicot dos países do bloque occidental, Coe e Ovett amosábanse como unhas das estrelas principais deses Xogos. Coe era o gran favorito para levar o ouro nos 800 e Ovett tiña máis opcións no 1.500. No entanto. intercambiáronse os papeis. Ovett gañou contra prognóstico os 800 e Sebastian Coe birllou para lograr o ouro nos 1.500.

Podcast elaborado polos alumn@s de 2º Bacharelato do IES Arcebispo Xelmírez