O Deportivo sumou a segunda vitoria consecutiva tras golear á Cultural, aproveitando os erros propios do conxunto cazurro. Na 1ª RFEF o Fortuna remontou un cero a tres para gañar ao Talavera, no derbi do Espiñedo o Rácing venceu ao Arenteiro e o Pontevedra puntuou na visita a Unionistas. Outro equipo galego desta división, o Ourense CF desputou con éxito a final da Copa Federación con tres goles de Amçin que tumbaron ao Orihuela. No polideportivo o Guardés deu a de cal e o Breogán a de area.

No Galicia en Goles do venres a xornada comezou da mellor maneira posible co gran triunfo en Santa Coloma do Parrulo. No baloncesto feminino tamén contaron grandes novas con dous triunfos a domicilio. O Ensino segue na zona alta tras vencer en Gran Canaria e o Uni Ferrol derrotou en La Seu ao Cadi. A peor nova chegou no balonmán, coa dura derrota do Cangas en Alacant.,

O Galicia en Goles deste domingo desfrutou dunha dobre vitoria galega no fútbol profesional. O Celta encadeou o segundo triunfo da temporada, de maneira consecutiva, derrotando ao Levante no Ciutat por un a dous. De novo un gol no desconto do equipo olívico permitiulle levar os tres puntos e dar un chimpo na clasificación. Pola súa banda o Deportivo rachou unha xeira de cinco partidos sen gañar, derrotando ao Zaragoza a domicilio por cero goles a dous. Esta vitoria coloca aos coruñeses de novo en postos de playoff. No resto do fútbol, o Arenteiro caeu en Avilés, o Ourense CF sumou a primeira vitoria da temporada ante o Arenas e na 2ª RFEF a nota máis destacada foi a vitoria da Sarriana ante o Ávila.

A edición matinal do Galicia en Goles estivo contando toda a previa do Levante-Celta que comezaba ás 14horas. Tamén narraron en directo a vitoria do Ensino ante o Perfumerías Avenida, o comezo do derby entre Porriño e Guardés e os 3 partidos da 3ª RFEF.

O sábado deportivo galego tivo case pleno de vitorias no baloncesto, coa malleira do Breogán ante Granada e na 1ª FEB os triunfos de Obradoiro e COB. A única mala nova deuna o Uni Ferrol, caendo na Malata ante Estepona. No fútbol o Pontevedra goleaou ao Zamora, o Celta F empatou en Pamplona e o Rácing de Ferrol caeu ante o Tenerife no encontro chave da 1ª RFEF. Na seguinte categoría no derbi do Couto a UD Ourense remontou para derrotar finalmente ao Fabril por dous goles a un.

O Galicia en Goles deste venres estivo centrado no Anxo Carro, co empate do Lugo ante o Barakaldo, e no Coliseum da Coruña, onde o Leyma Básquet Coruña derrotou con contundencia ao Fuenlabrada para manterse no máis alto da clasificación. Asimesmo Roberto Carlos Carballo repasou e analizou toda a xornada deportiva galega da fin de semana.

Neste último, o conxunto branco dobregou os cataláns no Bernabeu. Mentres, en Pamplona, o Celta sumaba, por fin e tras dez xornadas, a súa primeira vitoria da temporada. E fíxoo remontando por dúas veces para rematar gañando por dous a tres ao Osasuna.

Pola súa banda o Deportivo salvou un punto in extremis ante o Valladolid en Riazor grazas a un penalti anotado por Yeremay no desconto. O empate a un ante os de Pucela provoca que os deportivistas saian de postos de playoff de ascenso, tras encadear cinco xornadas sen gañar.

Escapando do Clásico, a metade dos encontros da 3ª RFEF decidiron fixar o seu horario na matinal do domingo. Coincidiron co segundo derbi galego da 1ª RFEF, desputada no Espiñedo con empate a cero entre Arenteiro e Pontevedra. No polideportivo o Obradoiro venceu ao Estudiantes e o Uni Ferrol caeu en Zaragoza.