Todos os podcast | Galicia en goles

O Deportivo recibe ao Valencia e o Celta fai o propio co Athletic na terceira xornada de Liga. Na edición informativa do Galicia en Goles desprazáronse ata A coruña e Vigo para coñecer a última hora destes dous encontros.

Comezou a temporada na terceira categoría do fútbol español e non o fixo con bos resultados para os equipos galegos. UD Ourense e Fabril caeron no seu debut na división, os das Burgas ante a Ponferradina no Couto e os coruñeses en Mérida. Asimesmo, o Rácing de Ferrol perdeu unha vitoria que tiña no peto nos últimos minutos, e tan só puido empatar en Getxo. Pola contra na pretemporada de baloncesto houbo pleno de vitorias galegas, co Breogán vencendo ao Real Madrid, o Obradoiro ao Joventut e o Básquet Coruña ao Palencia.

Na edición informativa repasamos a última hora de Deportivo e Celta coas palabras dos seus adestradores. Tamén escoitamos a Fredi na roda de prensa previa ao encontro do Castellón e o resumo da derrota do Abanca no debut ligueiro ante o Sevilla.