Todos os podcast | Mar de ardora

O Instituto de Investigacións Mariñas de Vigo cumpre 75 anos.Primero paso en Bruxelas para o rexistro do palangre Pedra-Bola separado doutras artes de pesca máis agresivas. Prezos máximos históricos na lonxa de Noia pola escaseza de berberecho pola mortandade masiva. Primeira experiencia de turismo mariñeiro no Golfo Ártabro por parte da Confraría de Pescadores de Sada.

XXX edición das Xornadas Técnicas de Pesca de Celeiro. Resultados da costeira do bonito. O noso colaborador Javier García Galdo presenta o seu novo libro "Un mar de curiosidades". Turismo mariñeiro en Malpica.

Unha visita a Conxemar. Iniciativas para a recuperación de mexilla e mexillón con redes atuneiras torsionadas en estruturas "longline", Coñecemos o programa "Viva Ferrol" que estuda os fondos da ría e as opcións para recuperar os bancos marisqueiros.

Comeza a campaña nas zonas de libre marisqueo da Ría de Arousa. Entrevsta con Antonio Figueras, do Instituto de Investigacións Mariñas.O proxecto Bivalfood investiga a alimentación dos bivalvos. O mariscador Santi Pérez encabeza un proxecto familiar para darlle valor engadido á súa produción. Turismo mariñeiro na ría de Muros e Noia. Coñecemos a historia do mural artístico da confraría de Burela.

Arranca a campaña marisqueira en Noia. O Servizo de Gardacostas de Galicia na loita contra o furtivismo no marisqueo. Impulsan desde el Centro de Investigacións Mariñas un proxecto que desenvolve novos suplementos alimentarios para mellorar o benestar dos peixes no cultivo. Cambios na normativa de arrastre a partir do ano 2028.

Comeza en Vigo unha nova edición de Conxemar. Visitamos Carril para coñecer a historia das conservas "Os Peperetes". A campaña da ameixa rubia na ría de Arousa. Os puntos limpos mariños de Oia.

Os efectos da alta temperatura do mar nos ecosistemas galegos. Consellos para os problemas asociados ao marisqueo a pé. O problema da remuda xeracional na pesca e os cambios no sector fareiro.

Novas medidas contra a sinistralidade no mar. Novo proxecto de acuicultura rexenerativa. A tradición da carpinteiría de ribeira.

Coñeceremos como se sementan os bancos marisqueiros para favorecer a súa recuperación, analizaremos a preocupación da frota do cerco pola escaseza da cota de sardiña e descubriremos dez razóns científicas para consumir peixe habitualmente. Ademais, abordaremos os efectos do quecemento das augas sobre especies como o polbo e coñeceremos o traballo do CETMAR para transformar o sargazo, un grave problema nas costas do Caribe, nun recurso con novas posibilidades de aproveitamento.

Proximamente sairá do prelo o libro "Un mar de curiosidades", unha obra que ten o seu cerne na colaboración do biólogo Javier García Galdo neste programa. A zamburiña está desaparecendo do banco natural que se explota na ría de Ferrol. Contámoslles como o Insttuto de Investigacións Mariñas está buscando as razóns. Falamos do proxecto Hippo-REF, que procura crear no porto de Vigo un refuxio para cabaliños de mar. Outro estaleiro familiar cesa a súa actividade. Coñecemos a historia do taller Amado, do Freixo, en Outes. Un dos mellores lugares para observar a eclipse do 12 de agosto é a bordo dun barco. A capitá da mariña mercante Alsira Salgado explícanos as vantaxes de ollalo dende o mar e das precaucións que debemos adoptar.