O ribeirense José Pérez Reboiras contou onte no programa o surrealista atraco que protagonizou hai máis de duas décadas; unha escena de película. Convidamos aos oíntes a que nos conten si viviron experiencias dignas de ser narradas nunha longametraxe ou se algunhas vez actuaron ou soñan con facelo.

Poñemos os cinco sentidos neste programa, pero hai oíntes que non poden facelo. Queremos escoitar como afrontan a vida as persoas que carecen dalgún sentido e tamén saber se hai algunha que crea que dispón dun sexto sentido.

Visita o programa o presentador de "Seres de ben", Rubén Riós, e iso sérvenos de excusa para pedirlle aos oíntes que nos conten quen son os seus "seres de ben", as persoas que lles fan a vida máis doada.

Falamos da sorte. Cren os nosos oíntes na sorte? A sorte trabállase? Existe o mal de ollo? Adoitan realizar algún ritual para invoca-la sorte? Como se escorrenta a mala fortuna?

A xubilación é un punto de inflexión na vida de moitas persoas. Os oíntes cóntannos como viviron ese momento; que supuxo para eles economica e sicoloxicamente; como influiu nas súas relacións sociais; se se adaptaron rapidamente ou os levou a unha depresión...

Isi Rodríguez lembra cando foi a primeira vez que falou na radio. Os oíntes fálannos tamén das anécdotas das súas "primeiras veces": o primeiro bico, a primeira viaxe, o primeiro traballo...

Escoitamos historias de amizade. Os oíntes desvelan quen é o seu mellor amigo e que foi o que os levou a crear esa relación.

En Galicia hai unha longa tradición de alcumes. Convidamos aos oíntes a contarnos cal é o seu ou o da súa familia; se corresponde a un lugar ou a un acontecemento; se está posto con malicia; se están orgullosos del...