A romaría de Santa Minia de Brion estivo este ano rodeada de polémica pola estrea da nova imaxe da martir, representada agora con cara sorrinte que evoca unha boneca repoluda. Hoxe trasladamos o debate á nosa audiencia. Pepe Capelán traenos os misterios de San Andrés de Teixido e tamén falamos da recuperación do IVE dos alimentos básicos.

Sabían que cada ano morren no estado mías de cento vinte mil persoas a causa de doenzas cardiovasculares? Tres de cada catro deses falecementos poderían evitarse evitando prácticas de risco como fumar. Preguntamos pola saúde dos nosos corazóns e tamén polas persoas que o enchen ou as cousas polas que segue latendo. Ademáis, o noso colaborador Andrés Breijo axúdanos a saber cal é a potencia eléctrica que debemos contratar na nosa casa

Hoxe o programa "pensa en grande". Os oíntes contan "o máis grande que lles pasou na vida"; dinnos quen é para eles "a persoa máis grande"; descríbennos o produto máis grande que sacaron da súa horta... e Isi Rodríguez traenos a listaxe dos barcos máis grandes que navegan polo mundo.

Mentres se desenvolve o programa, o temporal Aitor azouta Galicia. Recollemos testemuños dos oíntes sobre os seus efectos. Ademáis, falamos das viaxes do Imserso.

Estes días fálase das negociacións para reduci-la xonada laboral. Trasladamos o debate aos oíntes preguntándolles se consideran que pasan demasiadas horas no traballo, se son partidarios de reducir a xornada, se é doado para eles conciliar vida laboral e familiar, se aproban facer horas extras....

O 70 por cento dos galegos maiores de 75 anos xa empregan internet. Hoxe os nosos oíntes explícannos como o usan e para que. O rei emérito volveu a Sanxenxo. Convidámolo a chamar ao programa. Farao? Pepe Capelán traenos outro "conto dun rapaz de aldea"

Moitas veces custa escoller. Imaxínense o dilema de ter que elixir entre as opcións que prón hoxe Raquel Rosa! Quen prefire que morra antes, vostede ou a súa parella? Entre recibir cen mil euros agora ou un millón dentro de cinco anos, por que optaría?