Net die feit dat God jou in Christus Jesus uitgekies het om syne te wees, is reeds ʼn sterk genoeg aanbeveling. Jy het niks meer in hierdie wêreld nodig nie.

In God se Woord leer ons Hom ken as die God van Waarheid.

Die laaste woorde van die boek Openbaring is juis so ʼn versugting: “Maranatha, kom tog gou Here Jesus”.

Jesus se koms getuig van ʼn groter heerlikheid.

Die grootste deel is ons nog nie vertel nie. Daarvoor sal ons op die ewigheid moet wag.

Johannes getuig aan die einde van sy Evangelie dat al die boeke van die wêreld nie dit wat Jesus gesê en gedoen het kan bevat nie.

Alles wys op Jesus, sy genade, liefde, sorg, omgee en voorbeeld.

Ai, mag die Here ons oorvloedige vrug laat dra, vrug wat by die bekering pas, die omvattende vrug van die Heilige Gees.

My wens is soos die van Johannes dat dit met jou in alle opsigte mag goed gaan. Mag jy geestelik groei en al hoe meer die karaktertrekke van Jesus vertoon. Mag jy emosioneel gesond en gebalanseerd bly. Mag jy liggaamlik fiks en vol energie wees. Mag dit met jou in alle opsigte goed gaan.

Ai, Here, ons sukkel om lief te hê, selfs onsself lief te hê. Sal u asb. genade betoon?