Tölum Um - Gummi Kíró

Helena Reynis er gríðarlega hæfileikarík listakona sem hefur farið sínar eigin leiðir í lífinu og lætur ekkert stoppa sig. Hún hefur síðustu 10 árin búið erlendis en er komin aftur heim og ætlar sér stóra hluti. Við settumst niður og ræddum listina, samfélagsmiðla og spennandi verkefni 

Snædís Xyza flutti ung frá Filipseyjum til Dalvíkur með móður sem beitti hana alvarlegu andlegu og líkamlegu ofbeldi. Ótrúleg saga Snædísar um að lifa af æsku árin og viljann til þess að verða einn besti matreiðslumaður á Íslandi. Saga sem fær ykkur til að bæði hlæja og gráta, og sýnir hvernig ein góð manneskja gat breytt lífi lítillar stelpu sem fékk loksins að blómstra 

Sólrún Diego kom í mjög einlægt og persónulegt spjall um þær breytingar sem hafa átt sér stað í hennar lífi og hvað hún hefur gert til að huga að fjölskyldunni og sinni andlegu heilsu

Hildur Ómarsdóttir hefur vakið athygli fyrir sína vegferð í baráttu við krabbamein og hvernig hún notar mataræði og heilbrigðan lífsstíl til þess að gefa líkamanum besta mögulega tækifæri til að heila og lækna sig sjálfur. Hildur segir einnig frá sinni upplifun af heilbrigðiskerfinu og lýsir fyrir okkur þeirri stöðu sem einstaklingar og aðstandendur fólks í baráttu við krabbamein standa frammi fyrir

Ótrúlega átakanleg en falleg frásögn sem hreyfir við manni 

Ég og Lína Birgitta ræddum New York Fashion week og fullt af spennandi hlutum sem eru frammundan hjá Define the Line og Autumn Clothing Einnig ræddum við þjóðarátakið Riddarar kærleikans og hvernig við ætlum að leiða okkar samskipti við annað fólk með kærleika 

Bjargey Ingólfsdóttir fræðir okkur um hvað veitir okkur hamingju, hvernig við komumst í betri tengingu við okkur sjálf og maka okkar ásamt því að öðlast meira sjálfstraust og unað kynferðislega 

Bjargey er Jin yoga kennari, einkaþjálfari, höfuðbeina og spjaldhryggs meðferðaraðili og hefur í mörg ár haldið námskeið, ferðir og fyrirlestra til að efla sjálfstraust kvenna

Við ræðum við Danna og Einar þjálfara hjá Afrek um heilsu, þjálfun, næringu og miklvægi þess að stíga útfyrir þægindaramman til öðlast betri heilsu 

Indíana Rós kynlífsfræðingur kom í spjall um kynlíf í parasamböndum og hvernig við getum lært inn á hvort annað til þess að eiga frábært kynlíf. 

Hinn magnaði listamaður Elli Egils kom til mín í spjall um lífið, ferilinn, framan og fjölskyldulífið. Það var yndislegt að setjast niður með Ella og ræða á einlægum nótum um líf þeirra hjóna, Maríu Birtu leikkonu sem búa í Las Vegas ásamt dóttur

Elli velur sín viðtöl vandlega og er ég því ótrúlega þakklátur fyrir þetta fallega spjall okkar vinana 

Helgi, Elísabet og Andrea komu í sjúklega skemmtilegt og fræðandi tískuspjall um hvað þeim finnst vera mest spennandi fyrir sumartískuna 2024