trufm Current Affairs

Isaqhuba inkqubo yokubala iivoti, kwaye neziphumo zimana ukungena ngokungena. Sithetha nje ngumyinge we85% (to be updated) weevoti esele zibaliwe, zachazwa kuzwelonke, ze ibe ngu93% eMpuma Koloni. Kusenjalo, eminye imibutho equka iUDM eMpuma Koloni, ifake isikhalazo kwikomishoni yonyulo ezimeleyo, i-IEC, malunga nokubalwa ityeli lesibini kweevoti kumasipala ombaxa iBuffalo City, ze yacela ukuba kubalwe kwakhona iivoti kumasipala iKing Sabatha Dalindyebo, ngelithi amanani abalwe ngamalungu ajongene nonyulo kumbutho wabo awahambiselani nalawo we-IEC. Sithe makhe sikrwece i-IEC ukuva ngezamva nje, njengokuba kusaqhutywa nenkqubo yokubala iivoti. Masamkele emnxebeni ongusekela manejala we-IEC apha ephondweni, uMasindi Mosehana...

I-ANC ijamelene nokwehla kwenkxaso yayo yabavoti kwimimandla ethile kumasipala wesithili iSarah Baartman, kwiphondo iMpuma Koloni. Lo mbutho uphulukene nesininzi senkxaso koomasipala abane kwesa sithili. Omnye waba masipala, ngumasipala iMakana oseMakhanda, nobungomnye weentsika zalo mbutho kulaa mmandla. ULikho Jack usilungiselele le ngxelo ka-Kim Daniels...

Makana United Civic Movemement points out how querying spoilt ballot papers. Arch Nkosinathi Ngesi of the party....

Amaqela ezopolitiko abonakala enethemba ngeziphumo zonyulo ezisamane zingena ngokungena, kwiziko lekomishoni yezonyulo ezimeleyo, i-IEC, nelijongene nokwamkela nokupapasha iziphumo zonyulo loorhulumente basekhaya, eMidrand eRhawutini. UEsona Funeka noYolanda Kambile bancokole nemibutho yezopolitiko i-DA, i-EFF, iMK Party, i-ANC, i-IFP, iUDM ne-PAC ngezi ziphumo zonyulo, noko zingekagqibeleli nje. Ukanti ebekho noGqirhalwazi Xolisile Ngumbela khon' ukuze ahlalutye ezi ziphumo...

Current Affairs team wrapping up their last broadcast of the day on results day at Midrand ROC

U-Esona Funeka noYolanda Kambile abakwiziko lekomishoni ezimeleyo yezonyulo elamkela nelipapasha iziphumo zonyulo bathethe neqela iACDP kwakunye neSACP ngendlela la maqela aqhube ngayo kunyulo, nangoko akulindele kwiziphumo eziphokokayo ukungena kweli ziko... 

Zingena ngokungena iziphumo zonyulo loorhulumente basekhaya, nobelubanjwe izolo. U-Esona Funeka noYolanda Kambile abakwiziko lekomishoni yezonyulo elamkela nelipapasha iziphumo eMidrand, bathethe nemibutho yezopolitiko iActionSA kwakunye ne-ATM...

Ngexesha lonyulo amehlo aye athi ntsho kwimibutho yopolitiko, abagqatswa kwakunye nabantu abalungele ukuvota. Kodwa phambi kokuba umntu wokuqala abeke unxi ( X) wakhe, bakhona abantu abakha umkhanyo bejonga ukuba iinkqubo zokuvota zihamba ngendlela kusini na. Sithe masikhwebe omnye waba bakhi-mkhanyo, nophuma kwiDemocracy Development Programme, uSphamandla Mhlongo... 

Kusaqhutywa ukubalwa kweevoti, kulandela uvoto lwayizolo kunyulo loorhulumente basekhaya. Kwiphondo iMpuma Koloni, sele beliqela oomasipala abasele begqibile ukubala. Ngokokutsho kwekomishoni yezonyulo ezimeleyo, i-IEC, kwiphondo, okwangoku akukabikho mbutho uphumelela ngesininzi. Ukuxoxa banzi ngalo mba, u-Sethu Nonganga no-Ayabonga Kekana bathethe nomanejala we-IEC kwiphondo iMpuma Koloni, uSiyabonga Maki... 

Zivaliwe izikhululo zovoto ngentsimbi yesithoba namhlanje. Ngentsimbi yesihlanu amanani okuqala ebebonisa ukuba bayi 12- million abavoti abathe bayokuvota. Iphondo laseGauteng belisahamba phambili lilandelwa liphondo iKwaZulu-Natal, iphondo iMpuma Koloni belikwindawo yesine beyi 1.4 million abantu abavotileyo ngentsimbi yesihlanu. Emnxebeni sinaye ongusekela manejala we IEC ephondweni u Masindi Mosehana...